بەزاندنی نیزامی ئیسلامی ئامانجی سەرەکی دوژمنان لە فیتنەی ٨٨ بوو

نوێنەری وەلی فەقێ لە کوردستان بە ئاماژەی بەوەی کە زاڵبوون بە سەر نیزامی ئیسلامی ئامانجی دوژمنان لە فیتنەی ٨٨ بوو، وتی: ساختەکاری لە هەڵبژاردنەکان تەنیا بیانووە و مەبەستی سەرەکیان ڕووخاندنی نیزامی ئیسلامی بە هەر بەهایەک بوو.

بە ڕاپۆرتی ئاژانسی هەواڵی مێهر، ئایەتوڵڵا سەید محەمەد حسێنی شاهروودی ئەمڕۆ شەممە لە ڕێوڕەسمی بەرزڕاگرتنی حیماسەی ٩ی بەفرانبار کە لە یاریگای ئازادی سنە و بە ئامادەبوونی هەمەلایەنەی خەڵکو  بەرپرسان بەڕێوەچوو، وتی: رێبەری باڵای شۆڕش بە تەگیبر و رێبەرایەتی و بەڕێوەبەرایەتیی بەرز و لێهاتوویان فیتنە و کوێر و ئاڵۆزی ساڵی ٨٨یان لە گەلی ئێران دوور خستەوە.

ڕاشیگەیاند: خەڵکی هوشیاری ئێمە کاتێک کە پێویست بوو، بەشدار بوون و فیتنە و پیلانگێڕانیان خستە زبڵدانی مێژووەوە و پاش تێپەڕینی هەشت ساڵ چینە جۆراوجۆرەکان لە ڕێوڕەسمی حیماسەی ٩ی بەفرانباردا بەشداری دەکەن.

ئایەتوڵڵا شاهروودی وێرای داکۆکی لەوەی دەبێ بەردەوام ٩ی بەفرانبار لە لایەن خەڵکەوە بە بەرزی بنرخێندرێت، جەختی کرد: ئێمە بەردەوام ئەم رۆژە بەرز ڕادەگرین و ناهێڵین لە بیر بچێتەوە، چونکا لە رۆژی ٩ی بەفرانباردا شۆڕشێکی گەورەی دیکە لە ئێراندا ڕووی دا.

News Code 15654

نیشانەکان

بۆچوونی ئێوە

You are replying to: .
  • 1 + 4 =