خۆپیشاندانی مەدەنیانە مافی هاووڵاتیانە

پەرلەمانی هەرێمی کوردستان ڕایگەیاند: پەرلەمانی کوردستان کە هەڵقوڵاوی دەنگ و ئیرادەی گەلی کوردستانە، بڕوای تەواوی بەوە هەیە کە خۆپیشاندان بە شێوازێکی هێمنانە و مەدەنییانە و دوور لە توندوتیژی مافی هاووڵاتیانە بۆ گوزارشتکردن لە بۆچوونەکانی خۆیان.

بە ڕاپۆرتی ئاژانسی هەواڵی مێهر، لە ڕاگەیەندراوێکدا پەرلەمانی هەرێمی کوردستان ئاماژەی بەوەکرد کە پەرلەمان دەمێکە هەستی بە دۆخی ناهەمواری خەڵکی کوردستان و سەختی ژیان و گوزەرانیان کردووە کە بەهۆی قەیرانە سیاسی و داراییەکانەوە ڕووبەڕووی هەرێم بووەتەوە، ئەوەش کاریگەری خراپی بەسەر ژیان و خزمەتگوزارییەکان و موچەی فەرمانبەران و خانەنیشیانەوە جێهێشتووە.

پشتیوانیکردنی خۆشی لە مافە ڕەواکانی هاووڵاتیان دووپاتکردووەتەوە و داواشی لە خۆپیشاندەران کرد بە شێوازێکی هێمنانە و شارستانیانە ناڕەزایی و داخوازییە ڕەواکانیان بخەنەڕوو، هەروەها خۆیان لە توندوتیژی و سوتاندنی باره‌گای دامه‌زراوه‌ فه‌رمی و خزمه‌تگوزاریه‌كان به‌دوور بگرن، چونكه‌ ئه‌مانه‌ موڵكی گشتین و خزمه‌ت به‌ ئێوه‌ ده‌كه‌ن و دواجاریش ته‌نیا هاوڵاتیان زه‌ره‌رمه‌ند ده‌بن.

لە کۆتاییدا پەرلەمانی هەرێمی کوردستان ڕایگەیاندووە: "توندوتیژی ئامانجی ڕاسته‌قینه‌ی هاوڵاتیان و هێنانه‌دی خواسته‌ ڕه‌واكانتان به‌لاڕێدا ده‌بات، خزمه‌تیش به‌ نه‌یارانی گه‌له‌كه‌مان ده‌كات، كه‌ده‌یانه‌وێ ئاژاوه‌ بنێنه‌وه‌ وئامانجیان له‌باربردنی قه‌واره‌ی سیاسی و ده‌ستووری هه‌رێمی كوردستان و خوێنی شه‌هیدانه".

ئەوە لە کاتێکدایە ئەمڕۆ دوو رۆژە بەشێک لە ناوچەکانی هەرێمی کوردستان خۆپیشاندان و ناڕەزایی فراوان دروستبووە و بەهۆیەوە ژمارەیەک لە خۆپیشاندەر کوژراون و دەیان هاووڵاتی و ئەندامی هێزە ئەمنییەکان برینداربوون و چەندین بارەگای حزبی سوتێنراوە.

News Code 15377

نیشانەکان

بۆچوونی ئێوە

You are replying to: .
  • 9 + 1 =