بارزانی هیچ داهاتووییه‌کی سیاسی له‌ عێراق نییه‌

به‌رپرسێکی ئێرانی ڕایگه‌یاند: دوای ڕووخانی ڕژیمی به‌عس په‌یوه‌ندی زۆر باشمان له‌گه‌ڵ هه‌رێم و به‌غدا هه‌یه‌، ئه‌و که‌سانه‌ی له‌ هه‌رێم بوونه‌ ده‌سه‌ڵاتدار بێگانه‌ نه‌بوون، ئه‌وان به‌ ده‌یان ساڵ له‌ ئێران ژیاون.

به‌ ڕاپۆرتی ئاژانسی مێهر، مورته‌زا سه‌فاری نه‌ته‌نزی، سه‌رۆکی لێژنه‌ی په‌یوه‌ندییه‌ ده‌رکییه‌کانی مه‌جلیسی شۆرای ئیسلامی ئێران به‌ ئاماژنسی مێهر ڕایگه‌یاند: گومانی تێدا نییه‌ که‌ به‌ هۆی هاوکاری و پشتگیری ئێرانه‌وه‌ بوو که‌ کورده‌کان توانیان له‌ چوارچێوه‌ی یاسای بنه‌ڕه‌تی عێراق پله‌ی زۆر به‌رز له‌م وڵاته‌ به‌ ده‌ست بێنن. ئێران یارمه‌تی په‌ره‌سه‌ندنی ئابووری هه‌رێمی دا و په‌یوه‌ندی زۆر باشمان له‌گه‌ڵ هه‌رێم هه‌بوو.

ئه‌و جه‌ختی کرد: ئه‌م نزیک بوونه‌ بووه‌ هۆی ئه‌وه‌ی که‌ زۆر جار ئێمه‌ ڕێگه‌ نه‌ده‌ین که‌ کورده‌کان به‌ره‌و ساحه‌یه‌ک بڕۆن که‌ به‌رژوه‌ندی ئه‌وان بخاته مه‌ترسییه‌وه‌؛ گومانی تێدا نییه‌ که‌ کورده‌کان ئێرانی کۆنن و ئێران به‌رده‌وام گرنگی پێداون.

سه‌فاری نه‌ته‌نزی وتی: به‌داخه‌وه‌ مه‌سعوود بارزانی دوای ده‌نه‌ده‌نی بڕێک ده‌سه‌ڵات له‌ ناوچه‌که‌ که‌ هیچ سوودێکی بۆ خه‌ڵکی کورد نه‌بوو هه‌نگاوێکی هه‌ڵه‌ی هاوێشت، ئه‌م هه‌نگاوی بارزانی بووه‌ هۆی ئه‌م هه‌موو شکسته‌ی هه‌رێمی کوردستان و ئه‌م هه‌نگاوه‌ نه‌ له‌ ناوخۆ و نه‌ له‌ ده‌ره‌وه‌ی وڵات له‌ لایه‌ن که‌سه‌وه‌ پشتیوانی لێنه‌کرا.

سه‌رۆکی لێژنه‌ی په‌یوه‌ندییه‌ ده‌رکییه‌کانی مه‌جلیسی شۆرای ئیسلامی ئێران جه‌ختی کرد: جێگه‌ی داخه‌ که‌ بارزانی ئه‌م هه‌نگاوه‌ هه‌ڵه‌یه‌ی هه‌ڵگرت و خۆی له‌ کرده‌ که‌سێکی سووتاو له‌ عێراق و ناوچه‌که‌، ئه‌و چی دیکه‌ له‌ داهاتووی عێراقدا هیچ جێگه‌یه‌کی نییه‌.

ئه‌م به‌رپرسه‌ ئێرانییه‌ زیادی کرد: ئێران به‌ هاوکاری لایه‌نی عێراقی و تورکی کۆتایی به‌م بابه‌ته‌ هێنا. هه‌وڵی تاران ئه‌وه‌یه‌ که‌ عێراق ده‌ست به‌ سه‌ر یه‌کپارچه‌یی خاکی خۆیدا بگرێت، ئێمه‌ نابێت مۆڵه‌ت بده‌ین که‌ هه‌نگاوه‌ جیاخوازه‌کان له‌ ناوچه‌که‌ سه‌ر هه‌ڵبدات.

News Code 14009

نیشانەکان

بۆچوونی ئێوە

You are replying to: .
  • 2 + 16 =