بە ڕاپۆرتی ئاژانسی هەواڵی مێهر، ڕۆژنامەی واڵستریت ژۆرناڵ لە ڕاپۆرتێکدا نووسیویەتی: هێرشەکانی ئێران بۆ سەر بنکە سەربازییەکانی ئەمریکا لە ڕۆژهەڵاتی ناوەڕاست، لەوانەش ئەم دواییانە لە ئوردن، تیشک دەخاتە سەر پەرەسەندنی مەترسییەکانی مووشەک و فڕۆکە بێفڕۆکەوانەکانی ئێران.
بەڵام ئەمریکا ئەوەندە ئامادە نییە بۆ بەرگریکردن لە بنکەکانی دەرەوەی وڵات و ژێرخانی گرنگ و کارمەندەکانی.
ڕاپۆرتەکە ئاماژەی بەوەشکردووە: بنکەکانی ئەمریکا لە سەرانسەری زەریای ئارام بە تایبەتی بەرەوڕووی هێرشەکانی چین و کۆریای باکوور دەبنەوە - هەروەها بنکەکانی ئەمریکا لە ڕۆژهەڵاتی ناوەڕاست.
ڕۆژنامەکە دانی بەوەدا ناوە؛ هەڵبژاردنی بەردەم کۆنگرێس و پنتاگۆن ڕوونە: ئێستا پارە خەرج بکەن بۆ پاراستنی ئەم دامەزراوانە یان لە داهاتوودا ڕووبەڕووی کێشەیەکی زۆر جددیتر ببنەوە.
لە سەرەتای دەستپێکردنی ئۆپەراسیۆنی تووڕەیی حەماسی، ئێران زیاتر لە دوو هەزار هێرشی ئاسمانی، مووشەکی و فڕۆکەی بێفڕۆکەوانی لە سەرانسەری ڕۆژهەڵاتی ناوەڕاست ئەنجامداوە و لانیکەم 20 شوێن لە هەشت وڵاتدا زیانیان پێگەیشتووە کە سوپای ئەمریکا بەکاریدەهێنن.
تا ئێستا تەنیا زیانی کەرەستە و دامەزراوەکان ١٣ ملیار دۆلاری ئەمریکیی تێچووە. بە گشتی ئێران زیاتر لە 42 فڕۆکەی سەربازی ئەمەریکای زیان پێگەیاندووە یان لەناویان بردووە، کە ژمارەیەکیان لە بنکە ئاسمانییەکان بوون.
Your Comment