پەیامی ڕێبەری باڵای ئێران بۆ وڵاتانی دراوسێ چ بوو؟

بە پێی ڕاپۆرتی ئاژانسی هەواڵی مێهر، ئایەتوڵڵا سەید موجتەبا حوسێنی خامنەیی لە پەیامەکەیاندا بە بۆنەی چلەی ماتەمینی ڕێبەری شەهید، وێڕای جەختکردنەوە لەسەر ئەوەی کە "ئێمە بەدوای شەڕدا نەگەڕاین و شەڕمان ناوێت ، ڕایانگەیاند: بەڵام بە هیچ شێوەیەک دەستبەرداری مافە ڕەواکانمان نابین و لەم ڕووەوە، ئێمە تەواوی بەرەی خۆڕاگری بە یەک بەرە دەزانین.

ڕاشیانگەیاند: "بە خوای گەورە بە دڵنیاییەوە دەستبەرداری دەستدرێژکارانی تاوانبار نابین". بە دڵنیاییەوە قەرەبووی خەسارەکان و خوێنی شەهیدان و دیەی بریندارانمان دەوێت ، بە دڵنیاییەوە ئیدارەی گەرووی هورمز دەگەیەنینە قۆناغێکی نوێ." هەروەها لە بەشێکی پەیامەکەیاندا زیادیان کرد: بە دراوسێکانی باشووری ئێران دەڵێم: ئێوە شاهیدی موعجیزە و پەرجۆیەکن، بۆیە بە دروستی ببینن و تێبگەن، لە شوێنی گونجاو بوەستن، و گومانتان هەبێت لە بەڵێنە درۆینەکانی شەیتانەکان. هێشتا چاوەڕێی وەڵامێکی گونجاوین لە ئێوە بۆ ئەوەی برایەتی و نیازپاکی خۆمان نیشان بدەین.

ئایەتوڵڵا سەید موجتەبا حوسێنی خامنەیی ڕایانگەیاند: پێویستە ئاگاداری گوێی خۆمان بین کە پەنجەرەی مێشک و دڵن، لە بەرامبەر ئەو دەزگا ڕاگەیاندنانەی کە دوژمن پاڵپشتییان دەکات یان هاوتەریبە لەگەڵیاندا. یان پێویستە لە بنەڕەتدا واز لە گوێ گرتن و بەکارهێنانیان بهێنین، یان لانیکەم بە گومانێکی زۆرەوە مامەڵە لەگەڵ هەموو ئەو شتانە بکەین کە پێشکەشی دەکەن.