مووشەکە تۆقێنەرەکانی ئێران بناسە

ائاژانسی هەواڵی مێهر، بەشی نێودەوڵەتی: لە ستراتژیی بەرگریی ئێران، مووشەکگەلی دژە پاپۆر، بە کۆڵەکەی "هێزی بەرگریی دەریایی" دێنە ئەژمار. بە ئاوڕدانەوە لە جوگرافیای تایبەتیی کەنداوی فارس و دەریای عومان و گەرووی هۆرمۆز کە وەک گەروویەکی ستراتژیکی لە ئاستی جیهانیدا وێنا دەکرێت، ئێران تەرکیزی لە سەر گەشەدان بە سیستەمگەلێکە کە بتوانێ لە قووڵایی دەریا و لە مەودای جۆراوجۆرەوە، ئامانجە دەریاییەکانی بپێکێت. بە گشتی توانای مووشەکیی ئێران لەو بوارەدا لە دوو جۆرە مووشەکی کرووز و بالستیکیی دژە پاپۆری پێکهاتووە:
1. مووشەکی کرووزی دژە پاپۆری؛ سێ‌توێژێک لە بەرگریی کەنارئاوی تا هێرشی تاکتیکی
1-1 مووشەکی نەسر: کورت‌مەوداترین سیستەمی دژە پاپۆری ئێران بە بڕەوی 35 کیلۆمەتری، کێشی 350 کیلۆگرام و درێژایی 3.5 مەتر کە بۆ پڕچەک‌کردنی بەلەم و کۆپتەری دەریایی داڕێژراوە و شیاوی شەڕی نزیک‌مەودا و بۆ بەرەنگاربوونەوەی پاپۆری چکۆلە و مامناوەند بەکار دێت.
2-1 مووشکی نوور: یەکەمین مووشەکی بەرهەم‌هاتوو لە ئەندازیاریی ئاوەژوو کە لە مۆتۆری تۆربۆجێت، خێرایی ژێردەنگ و ڕێنوێنیی لێکدراوانە(ڕاداری چالاک و ئینرسی) بە کێشی 715 کیلۆمگرامی و بڕەوی 120 کیلۆمەتری، توانای فڕین لە بەرزایی زعر کەم (کەمتر لە 5 مەتر)ی هەیە و ئەمە دەبێتە هۆی دژواربوو‌نی ناسرانەوەی بە سیستەمگەلی بەرگریی دوژمن.
3-1 مووشەکی قادر: نمونەی تۆکمەکراوی مووشەکی نوور بە بڕەوی 200 تا 300 کیلۆمەتر بە سیستەمی ڕێنوێنیی GPS و ئینرسی، توانای وردبینانەی پێکانی ئامانجەکانی لە شەڕی ئەلکترۆنیکیدا هەیە.
4-1 مووشەکی کەوسەر: بەپێی تەکنۆلۆژیای مووشەکی چینییTL-10 داڕێژراوە و پەرەی پێدراوە کە بە بڕەوی 120 تا 200 کیلۆمەتر توانای بەرەنگاربوونەوەی سیستەمگەلی چەواشەکارانەی ئەلەکترۆنیی(ECCM)ی هەیە و لە سێ نموونەی کەوسەری 1، 2، 3دا بەرهەم هاتووە و لە بنکەی کەنارئاوی، پاپۆری و فرۆکەیی دەهاویشترێت.
5-1 مووشەکی ئەبوومەهدی: بەرهەمی توێژەران و بەرهەم‌هێنەرانی ئێرانی لە ڕێکخراوی پیشەسازیی هەوافەزای وەزارەتی بەرگرییە و اتوانای هاویشتران لە لانچێری پاوەجێ و بزۆکی هەیە و هیچ جۆرە سەرئاوییەک، چ بەلەم، پاپۆڕ و کۆپاپۆر، توانای خۆلێ‌پاراستنیان نییە و سیستەمی ڕێنوێنی و بڕەوی ئەو مووشەکە بەڕۆژ دەکرێت و ئامانجی کۆتایی لە درێژەی فڕیندا دیاری دەکرێت و ڕەنگە تا 1000 کیلۆمەتر بێت. ئەم مووشەکە هاوکات دژەڕاداری، دەوڵەمەندە بە سیستەمی ژیریی دەسکرد.
2. مووشەکی بالستیکیی دژە پاپۆری؛ گۆڕانکاریی ستراتژیک لە شەڕی دەریایی
1-2 مووشەکی کەنداوی فارس: کەنداوی فارس بەپێی مووشەکی فەتحی 110 چێ کراوە، کە بە بڕەوی 300 کیلۆمەتری و بە خێرایی سەروودەنگ (3 ماخ) و ڕێنوێنیی تیشکی (EO) ئامانجەکان دەپێکێت
2-2 مووشەکی زوولقەرنەینی باسر: ئەم مووشەکە نمونەی دەریایی مووشەکی زولفەقارە کە بە بڕەوی 700 تا 1000 کیلۆمەتر و سیستەمی ڕێنوێنیی تیشکی پێشکەوتە، هەلی کردنە ئامانجی پاپۆرەکانی لە مەودای ستراتژیکدا و لەوان کۆپاپۆرە ئەمریکاییەکان لە دەریای عومان و بگرە بەشگەلێک لە دەریایی سووری هەیە. ئەم مووشەکە توانای فڕین لە بەرزایی زۆر نزم، بەرەنگاربوونەوەی شەڕی ئەلەکترۆنی، فرەچەشنیی پەلاتفۆڕمەکانی هاویشتن لە بنکە، پاپۆر، فرۆکە و کۆپتەر و ڕێنوێنیی لێکدراوانەی هەیە.
کۆبەندی
مووشەکە دژە پاپۆرەکانی ئێران بە بڕەوی کەم، مامناوەند و بڵیند، پشتوێنەیەکی ئاگرینی چەندتوێژییان لە کەنداوی فارس و دەریایی عومان پێکهێناوە کە پێش بە هەر جۆرە دەستدرێژیی دەریایی دوژمنان بە تێچوو و زیانێکی زۆرەوە دەگرێت، و هاوکات لە پەنای ژێردەریایی چکۆلە و مینە دەریاییەکان و بەلەمە خێراکان، ستراتژیی "هێزی بەربڵاوی" ئێران کامڵ دەکەن.