بە ڕاپۆرتی ئاژانسی هەواڵی مێهر، ئەلجەزیرە قەتەر ڕاپۆرتی دا کە نوێنەرایەتی ئێران لە نەتەوە یەکگرتووەکان لە زاری بەرپرسێکی باڵای سەربازی ئێرانەوە ڕایگەیاند: ئەرتەشی کۆماری ئیسلامی ئێران ئامادەیە بۆ خراپترین سیناریۆ، بەڵام هیوادارین زیادبوونی هێزەکان [لەلایەن ئەمریکاوە] ڕووبەڕووبوونەوەی ڕاستەقینەی لێ نەکەوێتەوە.
ئەو بەرپرسە ئێرانییە کە ناوی نەهێنراوە، وتی: ئێمە هەر هێرشێکی [ئەگەری] ئەمریکی بە هەڕەشەیەکی وجودی بۆ سەر وڵاتەکەمان دەزانین.
ناوبراو هۆشداری بە ئەمریکییەکان و ڕژێمی زایۆنیستی داو وتی: ڕووخانی ئێران ڕاستەوخۆ دەبێتە هۆی ڕووخانی ناوچەکە کە ئەمەش ئەوەیە کە ئیسرائیلیش بەدوایدا دەگەڕێت.
ئەو بەرپرسە ئێرانییە دەشڵێت: بارودۆخی ئێمە زۆر باشترە لە شەڕی 12 ڕۆژە و چیتر ناخافڵێنرین.
نوێنەرایەتی ئێران لە نەتەوە یەکگرتووەکان لە زاری ئەو بەرپرسە ئێرانییەوە دەڵێت: لەم نێوەندەدا لە نێو ئەو پرسانەی کە ئاوڕی لێدەدەینەوە، بووژانەوەی دانوستانە ئەتۆمییەکانە.
Your Comment