بە ڕاپۆرتی ئاژانسی هەواڵی مێهر، سەید عەباس عێراقچی وەزیری دەرەوەی ئێران لە کۆڕی باڵوێزەکانی دەرەوەی دانیشتووی ئێران ڕایگەیاند: لە سەرەتادا و بە ناڕەزایەتی ئاشتیخوازانەی کاسبکاران و بازاڕەکان، هێزە ئەمنیەکانی ئێمە هەوڵیان دا بە ئارامی خۆپیشاندەران هێور بکەنەوە بەڵام لە هەشتی جونەوە ئێمە چووینە قۆناغێکی نوێ و جیاوازەوە.
ناوبراو زیادی کرد: لە هەشتی جوون هەتا دەیبجوون ئێمە هاتنی گرووپە تیرۆریستییەکان بە چەک و چۆتەوە بۆ نێو خۆپیشاندەرانیان بینی و بەتواوتیڤدیار بوو کە پلان داڕێژراوە کە خۆپیشاندانەکان لە ڕێگای خۆی دوور بکەنەوە و بەرەو ئاژاوەی ببەن.
وەزیری دەرەوەی ئێران وتی: تێکدەران تەقەیان لە پۆلیس و خەڵکی ئاسایی دەکرد و ئامانجیان بردنە سەرەوەی ژمارەی کوژراوەکان بوو، چونکوو ترامپ وتبووی کە ئەگەر خەڵک بکوژرێن ئێمە ئامادەین و دەستێوەردان دەکەین کە ئەو قسە بۆ خۆی دەستێوەردانێکی ئاشکرا لە کاروباری وڵاتانی دیکەیە، بەڵام گرینگ ئەوەیە بوو کە بە بۆنەی قسەی ئەوەوە ئەو کەسانەی کە بەدوای ئاژاوەوە بوو بەرەو لای بەرز کردنەوەی ژمارەی کوژراوەکان بوون بەڵکوو ئەمریکا هێرش بکات.
ئێمە بەڵگەمان هەیە کە نیشانی دەدات کە فەرمان دەدرێتە ئەو کەسانە کە لە نێو خۆپیشاندانەکاندا لە پشتەوە تەقە لە خەڵک بکەن.
عێراقچی وتیشی: سەری ژمارەیەک لە هێزەکانی پۆلیس بڕدراوە و هەندێکیشیان لە ئاگردا سووتاند.
لە درێژەدا بە ئاماژە بە ئاستی بانی خەسارەکان وتی: بە زۆر هەڕەشەیان لە دوکاندارەکان دەکرد کە دووکانەکانیان دابخەن و تەنانەت دووکانێکیشیان ئاگر تێبەردا. لە سێ ڕۆژدا ١٨٠ ئامبوڵانسیان سووتاند و هێرشیان کردە سەر مزگەوتەکان و ٥٣ مزگەوتیان لە سەرتاسەری ئێران ئاگر تێبەردا.
Your Comment