بە ڕاپۆرتی ئاژانسی هەواڵی مێهر، عەبدولکەریم خەلەف لە کەناڵی نوجەبا لە کاردانەوە بە هەڵوێستی ئەم دواییەی وەزیری دەرەوەی ئەمریکا سەبارەت بە چەکدانانی بەرخۆدانی عیراق لە گفتوگۆی تەلەفۆنی لەگەڵ محەمەد شیاع سوودانی ، لە لێدوانێکی توند و ڕەخنەگرانە، دەستێوەردانە بەربڵاوەکانی ئەمریکا لە کاروباری ناوخۆیی عێراقی زۆر زیاتر لە هەر جۆرە دەستێوەردانی دەرەکی دیکە وەسف کرد و زیادی کرد: پاگەندەی ئەمریکا سەبارەت بە دەستێوەردانی ئێران لە عێراق، لە حاڵێکدا دێتە ئاراوە کە خودی واشنتۆن لە هەموو وردەکاریە سیاسی، یاسایی و کۆمەڵایەتیەکانی وڵات دەستێوەردان دەکات.
ناوبراو ڕایگەیاند: زۆر پێکەنینە کە ئەمریکا باس لە دەستێوەردانی ئێران لە کاروباری عێراق دەکات؛ لە حاڵێکدا کە دەستێوەردانی خودی ئەمریکا زۆر قووڵتر و بەربڵاوترە. ئەو دەستێوەردانە تەنانەت تا یاسا ناوخۆییەکانی عێراق هاتووە.
ئەو کارناسە ئەمنیەتیە عێراقیە زیادی کررد: باڵوێزخانەی ئەمریکا لە بەغدا لە وردترین پرسە یاساییەکانی وڵات دەستێوەردان دەکات؛ لە یاسای هاوپەیوەند بە ژنانەوە بگرە تا یاسای جەعفەری و یاسای هاوپەیوەند بە حەشدی شەعبی، باڵوێزخانەی ئەمریکا لە ئاستی ورددا گوشار دەخەنە سەر سیاسەتوانان، بەتایبەتی سوننە، کورد و شیعە.
خەلەف هەروەها ئاماژە دەداتە سەر ڕۆڵی باڵوێزی ئەمریکا و وتی: باڵوێزی ئەمریکا هەندێک جار بە شێوەی بێ پەردە و ڕاشکاوانە هەڵسوکەوت دەکات و تەنانەت هەندێک سیاسەتوانی شیعەش دەخاتە ژێر گوشارەوە.
هەروەها بە ئاماژە بە درێژکردنەوەی هەر ساڵەی دۆخی نائاسایی لە عێراق لەلایەن سەرۆک کۆماری ئەمریکاوە، وتی: کام یاسای نێودەوڵەتی ئیزن دەداتە سەرۆکی وڵاتێکی دەرەکی کە کۆنترۆڵی کاروبار و دارایی عیراقی بەدەستەوە بێت و لێی وەکوو ئامیری گوشار کەڵکوەربگرێت؟
Your Comment