بە پێی ڕاپۆرتی ئاژانسی هەواڵی مێهر، لە کاتێکدا پەیجێکی تویتەر بە درۆ پاگەندهی تەقینەوەیەک لە ڕۆژهەڵاتی تارانی کردبوو کە سەردار قائانی فەرماندەی فەیلەقی قودسی سوپای پاسداران و هەندێک لە بەرپرسان تیرۆر کراون، دەرکەوت ئەو پاگەندە درۆیەکی گەورە بووە.
لاپەڕە و ماڵپەڕە پێوەندیدارەکان بە ڕژێمی زایۆنیستی بەم پاگەندە درۆیە هەواڵیان بڵاو کردبووە.
لە کۆتاییدا ئاشکرا بوو کە ئاگرکەوتنەوە لە ڕۆژهەڵاتی تاران پەیوەندی بە سووتانی زبڵ و پاشماوە لە گەراژێکی کۆکردنەوە کەلوپەلی کۆنە و پاشماوە بووە.
سەردار قائانی لە چاوپێکەوتنەکەی هەفتەی ڕابردوودا هۆشداریی دا کە "ڕژێمی زایۆنیستی بە بڵاوکردنەوەی هەواڵی ناڕاست سەبارەت بە تیرۆرکردنم، بە پشتبەستن بە نیگەرانییەکانی هاوڕێکانم و پێوەندییان لەگەڵم، هەوڵی دۆزینەوەی شوێنی وردی من دەدات".
Your Comment