بە پێی ڕاپۆرتی ئاژانسی هەواڵی مێهر، خەندان لە ڕاپۆرتێکدا بە گێرانەوە لە شاسوار عەبدولواحید، سەرۆکی جووڵانەوەی نەوەی نوێ نووسی، دوای 35 ساڵ لە خۆبەڕێوەبردنی کورد، تائێستا نهیتوانیوه دهستوور، پهرلهمان و حكومهتێكی یهكگرتووی ههبێت.
شاسوار عەبدولواحید له پهیامێكدا له ههژماری تایبهتی خۆی له تۆڕی كۆمهڵایهتی "X"، نوسیویهتی، "دوای 35 ساڵ لە خۆبەڕێوەبردنی کورد، ئێستا نە دەستوور و نە پەرلەمان و نە حکوومەتێکی یەکگرتوو و نە هێزی پێشمەرگەی یەکگرتوو و نە هیچ دەزگایەکی دادوەری خاوەن دەسەڵات لە هەرێمی کوردستان بوونی نییە".
ئاماژهی بهوهشكردوه، حکومەتی ئێستاش لە ساڵی 2022ەوە شەرعیەتی لەدەستداوە و "گەندەڵی ئیداری و داراییش گەیشتووەتە لووتکە و لە هەمووشی ناخۆشتر و گرنگتر ئەوەیە کە دۆخی خەڵک لەوپەڕی خراپیدایە، ئەمانە خراپترین ڕۆژەکانی حوکمڕانی خۆجێیی کوردی و تاریکترین ساتەکانیەتی.
هاوكات ڕێبوار ئهوڕهحمان، ئهندامی فراكسیۆنی نهوهی نوێ له ههژماری تایبهتی خۆی بڵاویكردهوه، "پارتی و یەکێتی دەیانەوێت لەرێی هەڵمەتێکی چەواشەکارانەوە بێ موچەیی و شکستی تەواوی خۆیان بشارنەوە، بۆیە ماوەی چەند رۆژێکە هەڵمەتێکیان دەستپێکردوە کە نەوەی نوێ سکاڵای لەسەر پرۆژەی بەناو روناکی تۆمارکردوە، بەڵێ نەوەی نوێ سکاڵای لەسەر حکومەتە شکستخواردوەکەی پارتی و یەکێتی تۆمارکردوە لەبەر دو هۆکار.
ئاماژهی بهوهشكردوه، ئەو حکومەتە زیاتر لە سێ ساڵە بەسەرچوە و هیچ شەرعیەتێکی نەماوە تا بتوانێت بریاری ستراتیژی بدات، لەم کاتی بێ موچەیی و بێ بازاڕیەدا پڕۆژەی بەناو روناکی تەنها روناکیە بۆ گیرفانی هەردو بنەماڵە و نەهامەتی و بارگرانیەکی بێ وێنەیە بۆ گیرفانی هاوڵاتی لەبەر گرانی نرخەکەی.
ئهو پهرلهمانتارهی نهوهی نوێ دهڵێت، "ناکرێت نەوت و غازی وڵاتەکە دەربهێنرێت و کارەبای پێدروست بکرێت، بەڵام بەقازانجێکی دو ئەوەندە بەهاوڵاتی بفرۆشرێتەوە، ناکرێت کیلۆواتێک بە نرخی 18 دینار بفرۆشیتە عێراق، بەڵام بەهاوڵاتیانی خۆتی بدەیت بە 150 دینار و پارەکەشی وەک کۆی پارەو داهاتی دیكهی ئەو وڵاتە بچێتە گیرفانی دوو بنەماڵەکە و کۆمپانیاکانیانەوە"
Your Comment