بە ڕاپۆرتی ئاژانسی هەواڵی مێهر، سپای پاسدارانی شۆڕشی ئیسلامی بە بۆنەی 42ـیەمین ساڵوەگەری ڕفاندنی سەردار حاج ئەحمەد متەوەسێلیان و یارانی دیپلۆماتی سەید موحسن مووسەوی، تەقی ڕستگار موقەدەم و کازم ئەوخەوان لە خاکی بەیرووتی پایتەختی لوبنان، بە دەرکردنی ڕاگەیێندراوێک، جەختی کرد: ڕژیمی زایۆنی و پاڵپشتانی دەبێ بزانن کە نە تەنیا بۆ جەنایەتەکانی ڕابردوویان نەپارێزراون، بەڵکوو هەر دەستدرێزییەکی تر، ڕەوتی ڕووخاندنی ئەو ڕژیمە پێش دەخات.
لەو ڕاگەیێندراوەدا جەخت لەوەش کراوە: لە شەڕی ئەمدواییەی داسەپاوەی ڕژیمی زایۆنی و ئەمریکا قووڵایی دەستەوەستانی و شکێنەری و قەیرانی شەرعییەتی ئەو ڕژیمە زیاتر لە جاران بۆ هەمووان دەرکەوت و نیشانی دا کە ورە و ئیرادەی پۆڵایینی مێژوویی هێزەکانی بەرخۆدان ئەوڕۆکە بۆتە درەختێکی بە هەیمەنە لە ناوچە و جوگرافیای ئۆمەی ئیسلامی.
هەروەها داوا لە لوبنان کراوە کە وێڕای پەیجۆری شلگێڕانەی بابەتی ڕفێندرانی 4 دیپلۆماتی ئێرانی لە بەیرووت وەک ئەرکێکی مرۆیی، سیاسی و یاسایی، خوازیاری پێکهاتنی کۆمیتەیەکی ڕاستی‌دۆزیی هاوبەش بۆ هاوکاریی دامودەزگا نێودەوڵەتییەکان بێت.
Your Comment