ئێران بۆ سەرهەڵدانەوەی تیرۆریزم لە سووریا هوشداری دا

بە ڕاپۆرتی ئاژانسی هەواڵی مێهر، سەید عەباس عێراقچی وەزیری دەرەوەی ئێران لە لێدوانێک بۆ کەناڵی "الغد"ی میسری، بە ئاماژە بە پیلانی درێژخایەنی ئەمریکی- زایۆنی بۆ لاوازکردن و دابەشکردنی وڵاتانی گەورەی ئیسلامی لە پێناو زاڵکردنی زایۆنییەکان بەسەر ناوچەدا، وتی: ئیسرائیل پاش کۆمەڵکوژیی ٦٠ هەزار ژن و منداڵی فەلەستینی لە غەزە، ئێستا خەریکی خاپوورکردنی ژێرخانەکانی سەربازی و بەرگریی سووریایە و ئەمەش نیشاندەری دروست‌بوونی هوشدارەکانی ئێران سەبارەت بە هەڕەشەی ئەو ڕژیمە بۆ هەموو ناوچەکەیە.

عێراقچی وێڕای ئاماژە بە بوونی ڕاوێژکارانی ئێرانی لە سووریا بۆ شەڕ لە دژی داعش و گرووپە تیرۆریستییەکانی تر کرد کە شەهیدبوونی سەردار سولەیمانی بەدواوە بوو، سەبارەت بە سەرهەڵدانەوەی هەڕەشەی تیرۆریزم لە سووریا بە هۆی ڕووخان و هەڵوەشانەوەی کاروباری ئیدارەی ئەو وڵاتە و لەوێوە بۆ وڵاتانی تری ناوچە هوشداری دا.