بە ڕاپۆرتی ئاژانسی هەواڵی مێهر، بە گوێرەی دوایین ڕاپۆرتەکان شاری منبەج لە باکووری ڕۆژاوای سووریا، دوای پێکدادانی توند لە نێوان هێزە کوردییەکان و تیرۆریستەکانی سەر بە تورکیا لە کۆنترۆڵی کوردەکان دەرهاتووە.
هەواڵدەری ڕۆیتێرز لە راپۆرتێکدا پاگەندەی کرد کە ئەمریکا و تورکیا لەسەر کشانەوەی ئەمنی هێزە کوردییەکان لە شاری منبەج و ڕادەست کردنی بە تیرۆریستیەکانی سەر بە تورکیا ڕێککەوتوون، سەرچاوە ئەمنیەکانی تورکیا بە ڕۆیتێرزیان وتووە کە شاری منبەج ئێستا لە کۆنترۆڵی تەواوی تیرۆریستەکانی سەر بە تورکیایە.
بە گوێرەی راپۆرتی ڕۆیتێرز، عەبدولڕەحمان مستەفا، لە بەرپرسانی باڵای گواستنەوەی دەسەڵات لە سووریا کە لەلایەن تورکیاوە پاڵپشتی دەکرێن، وێڕای پێشوازی لە داگیر کردنی منبەج جەختی کردووە کە ئەبێ بست بە بستی خاکی سووریا لە کۆنترۆڵی هێزە کوردییەکان بێتە دەرەوە.
Your Comment