بە ڕاپۆرتی ئاژانسی هەواڵی مێهر، دوابەدوای هێرشی ڕژێمی زایۆنی بۆ سەر کونسوڵخانەی کۆماری ئیسلامیی ئێران لە سووریا، زەهرا ئەرشەدی، باڵوێز و جێگری نوێنەری ئێران لە ڕێکخراوی نەتەوە یەکگرتووەکان، نامەیەکی بۆ ئەنتۆنیۆ گۆتێرێس، ئەمینداری گشتیی نەتەوە یەکگرتووەکان و هەروەها سەرۆکی کاتی ئەنجومەنی ئاسایش نووسی.
ڕژێمی داگیرکەری ئیسرائیل هێرشێکی تیرۆریستی قێزەون و ڕقاوی لە دژی دامەزراوە دیپلۆماسییەکانی کۆماری ئیسلامیی ئێران لە کۆماری عەرەبی سووریا دەستپێکردووە.
ئەم هێرشە تیرۆریستییە بووە هۆی شەهیدبوونی دڵتەزێنی لانیکەم پێنج کارمەندی ئێرانی کە لە نێویاندا ڕاوێژکاری باڵای سەربازی و لەناوبردنی یەکجاری دامەزراوە دیپلۆماسییەکانی ئێرانی لێکەوتەوە.
ناوبراو لەم نامەیەدا زیادی کرد: ئەم تاوانە ترسناکانە و هێرشە تیرۆریستییە ترسنۆکانە پێشێلکارییەکی ئاشکرای پەیمانی نەتەوە یەکگرتووەکان و یاسا نێودەوڵەتییەکان و بنەمای بنەڕەتی پارێزبەندی شوێنە دیپلۆماتیکەکانە.
ئەم تاوانە ترسناکانەش مەترسین بۆ سەر ئارامی و ئاسایشی ناوچەکە.
جێگری باڵوێزی ئێران لە نەتەوە یەکگرتووەکان ڕایگەیاند: ڕژێمی دەستدرێژکاری زایۆنی بە تەواوی بەرپرسیارە لە دەرئەنجامەکانی ئەم جۆرە تاوانە تیرۆریستیانە. کۆماری ئیسلامی ئێران مافی ڕەوای و سروشتی خۆی بە پشتبەستن بە یاسا نێودەوڵەتییەکان و میساقی نەتەوە یەکگرتووەکان بۆ وەڵامدانەوەی یەکلاکەرەوە بۆ ئەو جۆرە کردەوە تیرۆریستییە دەپارێزێت.
Your Comment