ڕاپەڕین دەرئەنجامی هەڵەی سەددام بوو ئەگینا کورد نەیدەتوانێ گوندێک ئازاد بکات

بە پێی ڕاپۆرتی ئاژانسی هەواڵی مێهر، ئەدهەم شێخ ئەحمەد بارزانی لە راگەیەندراوێكدا بەبۆنەی ساڵڕۆژی راپەڕینەوە ئاماژە بەوە دەكات، بە بەژن و باڵای هەندێك هەڵدەڵێن لەكاتێكدا راپەڕین دەرئەنجامی هەڵەی سەدام و هێزی جەماوەر و پشتیوانی سنورداری پێشمەرگە دروستیكرد.

ئەدهەم بارزانی لەبارەی رەوشی دوای ڕاپەڕین و ئێستاشەوە، ئاماژە بەوە دەكات "شتێكمان هەبوو بە ناوی دەنگە ناڕازییەكان نەك ئۆپۆزسیۆن، چونكە ئۆپۆزسیۆن بنەمای دروستی سیاسیی خۆی هەیە، ناڕازییەكان لە ماوەی ئەم ٣٣ ساڵە دا بەشداری هەڵبژاردنیان كردووە و زانیویانە كە لەم چەند كورسیەی كە ھەیانە زیاتر بە دەست ناهێنن بە جیاوازی یەك یا دوو كورسی تێپەرناكات و بێ ئەوەی بتوانن گۆڕانكارییەك لە سوودی جەماوەردا دروست بكەن، لەگەڵ ڕێزم بۆ هەموو لایەك ناڕازیەكان تەنها مكیاجی دەم و چاوی دەسەلات بوون".

دەشڵێت: "ناڕازییەكانیش تاكوو ئێستا وەك دووكانێكی سیاسی لە بەردەم ئەم میللەتە وێنا كراون و هەندێك جار گوێمان لێبووە و بینومانە كە یاسا و بڕیارەكانی پەرلەمان لە بەرامبەر هێزی چەك و پارە دا لاواز بونەو زۆر بە ڕاشكاوانە بەر گوێمان كەوتووە كە ئێمە حزبین و هەین بە كورسی بێ یان بێ كورسی، سەرۆك پەرلەمان نەیتوانی دووبارە لە سەر كورسیەكی دابنیشێتەوە".

وتیشی: لەدەرە ئەنجامی بیر كردنەوەیەكی هەڵەی سەدامی سەرۆك كۆماری ئەو كاتەی عێراق كە هێرشی كردە سەر خاكی كوەیت و داگیریكرد وە ئەم دەرفەتە ڕەخسا كە بەشێك لە كوردستانی عێراق ئازاد بكرێت و بكەوێتە دەستی لایەنە سیاسیەكانی سەر گۆرەپانی خەبات، ئەویش بە هیممەتی خوای مەزن و گەورەی جەماوەر و بە هاوكاری پێشمەرگەی دڵسوز و هێزەكانی شاخ.

زیادیشی کرد: ئەوەی ئەمڕۆ دەبینرێت پاش ٣٣ ساڵ لەو ڕاپەڕینە پڕ گەورەیەدا بێزاری و نیگەرانی زۆربەی چین و توێژەكانی ئەم گەلەیە لە هەموو جومگەكانی ژیانی سیاسی و ئیداری و ئابوری و كۆمەڵایەتی و زانستی و نەمانی ئازادی و بێ ڕێزبونی تاك بە تاكی ئەم كۆمەڵگایەیە، بە تایبەتی تێكچونی بارودۆخی دەرونی و دارایی و پێگەی گەنجان كە هەمیشە هیواو پێشڤەبەری وڵات و میللەتن.
زۆر بە داخەوە كە ئێستا و پاش تێپەڕبوونی ئەو هەموو ساڵە بە سەر ڕاپەریندا دەبینم كە لە مەترسیدارترین كات دا دەژین، دەسەڵات بە هیچ گوڕانكاریەك بە سەر شێوازی كار کردنی خۆیدا ڕازی نەبووە و هەر بابەتێك لە سەر ئەم خاكە بە موڵكی خۆی زانیوە و ئەم مافەی بە خۆی داوە كە چۆن حەز و ئارەزوی بێت دەسەڵاتداری بكات بەبێ هیچ چاودێریەكی پەرلەمانی و یاسای و هەر دەنگێكی ڕاست كە گوترابێت ئەمە هەڵەیە خۆی لە كونجەكانی زیندان یان لە كۆڵانەكانی ئاوارەیی دا بینیوە.