بە ڕاپۆرتی ئاژانسی هەواڵی مێهر، ماڵپەڕی کەناڵی ئەلمەیادین لە ڕاپۆرتێکدا سەبارەت بە هەڵوەشانەوەی هاوپەیمانی دژبەرانی کۆماری ئیسلامی لە دەرەوەی وڵات نووسی: پارتە دژبەرەکانی ئێران کە پێشتر هاوپەیمانییەکیان پێک هێنابوو لە سەروبەندی ساڵڕۆژی ئاژاوەکانی ساڵی ڕابردوو و گیان لەدەست دانی مەهسا ئەمینی ڕێبەرەکانی لە ئەو هاوپەیمانییە چوونەتە دەرەوە کە هەر ئەوە بێژەری هەڵوەشانەوەی ئەو هاوپەیمانییەیە.
لە درێژەدا هاتووە: هەندیک لە ڕێبەرەکانی ئەو هاوپەیمانییە کە شیرین عبادی، مەسیح عەلی نەژاد و عەبدوڵڵا موهتەدی و حامد ئیسماعیلیوون لە ڕیزی بوون لە ئەو هاوپەیمانییە چوونەتە دەرەوە.
ئەلمەیادین جەختی کرد: جاڕنامەی ناسراو بە “ هاوپەیمانی و ڕێکخستن بۆ ئازادی” لە ڕۆژی 19 ی ڕەشەممەی 1401 لەلایەن ڕەزا پەهلەوی، حامد ئیسماعیلیون، مەسیح عەلی نەژاد، نزەنین بونیادی، شیرین عبادی و عەبدوڵڵا موهتەدییەوە واژۆ کرا بەڵام دواتر دەرکەوت کە لە کردەوەدا هیچ هاوپەیمانیەک لە نێوانیاندا نییە.
لە ئو ڕاپۆرتەدا جەخت کراوە: دژبەرانی ئێرانی کێشە و دژایەتییەکانیان زیاتر بووەوە بە شێوەیەک کە حامد ئیسماعیلیون دوای کەمتر لە یەک مانگ لە ئەو هاوپەیمانییە هاتە دەرەوە و ڕایگەیاند کە شێوەی هەڵسوکەوتی ئەندامانی ئەو هاوپەیمانییە نادیمۆکراتیکە.
نازەنین بونیادیش ڕایگەیاند کە کێشە و درزە پێشووەکان وەکوو چپ بەرانبەر بە ڕاست و پاشایەتی بەرانبەر کۆماری خوازی دوای پێکهێنانەی ئەو هاوپەیمانییە پەرەی سەند. ناوبراو لە وتارێکدا نووسی کە دژبەران سەلماندیان کە لە بەرانبەر دەسەڵاتی ئێران کە یەکگرتوو و یەکپارچەیە درز و کێشەی زۆریان هەیە.
ئەلمەیادین لە درێژەدا نووسی: ساڵی ڕابردوو دوای گیان لەدەست دانی کچێکی ئێرانی شارەکانی ئێران ئاژاوە و ئاڵۆزیان بە خۆوە بینی کە لە بەرانبەردا، خۆپیشاندانی لایەنگرانی دەسەڵاتی کۆماری ئیسلامی لە ئیدانە کردنی ئەو ئاژاوەگەلە بەڕێوە چوو.
بۆچوونی ئێوە