زانیاری نوێ لە چۆنیەتی بردنی مەهسا ئەمینی بۆبنکەی پۆلیس/ یەک پڵتۆکی لێنەدراوە

سەرۆک پۆلیسی تاران سەبارەت بە رووداوەکانی هاوپەیوەند بە مەهسا(ژینا) ئەمینی شرۆڤەی دا.

بە پێی راپۆرتی ئاژانسی هەواڵی مێهر، سەردار حسێن رەحیمی سەرۆک پۆلیسی تاران لە کۆنفڕانسێکی ڕۆژنامەوانیدا باسی لە ڕووداوەکانی هاوپەیوەند بە مەهسا ئەمینی کرد.

سەردار رەحیمی وتی: لە بنکەی پۆلیسی ئەمنیەتی ئەخلاقیدا هیچ شتێک بەناوی دەستبەسەرکردن نییە و هاوکارانی راوێژکار لە هۆڵێکدا قسە بۆ ئەو خانمانە ئەکەن کە لە بەر جل وبەرگی بێ حیجاب بانگ کراونەتە بنکەکە و رێنوێنییان دەکەن کە دەبێ یاسای وڵات لەبەرچاو بگرن.

وتبشی: مەهسا ئەمینی لە گەڵ سێ کچ و دوو پیاودا لە پارکی تاڵەقانی لە تاران لە حاڵی پیاسە کردن بوون کە پۆلیسی ئەمنیەت ئەخلاقی چاوی پێیان دەکەوێت و پۆلیس پێیان دەڵێت کە دەبێ جلوبەرگیان بە گوێرەی یاسا رێکوپێک بکەن و بێ حیجاب نەبن کە سێ کەس لەو خانمانە هەر لەوێ جلەکانیان رێک دەکەن بەڵام مەهسا ئەمینی دەگواسترێتەوە بۆ بنکەی پۆلیسی ئەمنییەتی ئەخلاقی تاکوو بەشداریی پێبکرێت لە کۆرێکی فێرکاری حیجاب و پۆلیس دەڵێت یەکێک بروات و جلوبەرگی شیاو و لەبار بهێنێت بۆ خانمی ئەمینی و دوای فێرکاری یاسایی رادەستی بنەماڵەکەی دەکرێتەوە.

سەردار رەحیمی زیادی کرد: پێنج خانمی دیکە و هاوکارێکی ئێمەش لەناو ماشینی پۆلیسدا بوونە و ئەوانیش لەگەڵیا براونەتە بنکەی پۆلیس و پێش دەستپێکردنی خولی فێرکاری هەر بەو جۆرە کە لە فیلمەکەدا دیارە ، مەهسا ئەمینی پرسیارێکی لە خانمە هاوکارێکمان کردووە و لە کاتی قسە کردن لە گەڵ ئەودا حاڵی تێکدەچێت و پۆلیس بە پەلە گواستیەوە بۆ نەخۆشخانەیەکی تایبەت و ئەهلی.

ئەوەشی وت کە لە هیچ شێوەیەک ئازاری مەهسا ئەمینی نەدراوە تەنانەت پۆلیسی پڵتۆکێکی لەو خاتوونە نەداوە و هەموو پاگەندەکانی ناو تۆرە کۆمەڵایەتییەکان درۆیە و دەبێ چاوەروانی راپۆرتی پۆلیسی دادوەری بین.

News Code 43548

نیشانەکان

بۆچوونی ئێوە

You are replying to: .
  • captcha