بە ڕاپۆرتی ئاژانسی هەواڵی مێهر، نەژاد نەجیم، بەرپرسی فێستیڤاڵی نێودەوڵەتی کەرکووک، وێڕای دەسخۆشی لە یەکەم فێستیڤاڵی شانۆی سەرشەقامی ناڵەشکێنەی بووکان لە واژۆ کردنی ڕێککەوتننامەی هاوکاری لە نێوان ئەو دوو فێستیڤاڵە هەواڵی دا و زیادی کرد: ئەو ڕێککەوتننامە بە مەبەستی ئاڵوگۆڕی شانۆ لە دوو شاری بووکان و کوین واژۆ دەکرێت تا ساڵانە لە فێستیاڤاڵەکانی یەکتر ئامادە بن و پەرە بە هاوکارییەکان بدەن.
ناوبراو درێژەی دا: لە ئەو پێوەندیەدا شاندێک لە ناوبژیوانانی فێستیڤاڵی ناڵەشکێنە دێتە کەرکووک و لەوێ وێڕای تماشانی شانۆکان چەند شانۆ بە مەبەستی پیشاندان لە بووکان هەڵدەبژێرن.
هەروەها وتیشی: شاندی فێستیڤاڵی نێودەوڵەتی کەرکووکیش وێڕای ئامادە بوون لە فیستیڤاڵی شانۆی سەشەقامی بووکان، ڤۆرکشۆپێکی یەک ڕۆژەش بۆ هۆگرانی شانۆ بە مەبەستی ئاشنایی زیاتر لەگەڵ بنەماکانی شانۆی سەرشەقام بەڕێوە دەبەن.
Your Comment