بە پێی هەواڵی مێهر، سەرچاوە سوورییەکان هەوالیان دا کەسانی نەناسراو کە دەوترێ ئەندامی شاراوەی گرووپی داعشن، پەنابەرێکی عێراقی و پەنابەرێکی سوورییان لە ئوردوگای ئەلهەولی حەسەکە لە باکووری ڕۆژهەڵاتی سووریا کوشت.
سەرچاوەیەک بە میدیاکانی وتووە: سەرلەبەیانی ڕۆژی سێشەمە تەرمی شیما عەزیز یوونسی 38 ساڵان کە پەنابەرێکی عێراقییە، دۆزرایەوە.
هەروەها دوێنێ ئێوارە تەرمی محەمەد موسلحی 27 ساڵان، پەنابەری سووری دۆزرایەوە.
لە مانگی ژوەنەوە ژمارەی کوستنەکان لە ئوردووگا زۆر بۆتەوە کە دواهەمینیان کوژرانی دوو برای سووری لە ڕۆژی دووشەمە بوو.
هەروەها حەوتەی ڕابردوو چەند پەنابەری عێراقی کوژران و ژنێکی ڕووسیش کوژرا.
Your Comment