بە ڕاپۆرتی ئاژانسی هەواڵی مێهر لە مەعلوومە، عەباس ئاغا لە ئەو بارەوە وتی: ڕادەست کردنی یارمەتی ڕاستەوخۆی دارایی و چەک و تەقەمەنی لەلایەن ئەمریکاوە بە هێزی پێشمەرگە بە واتای دەستێوەردان لە سەروەریی وڵاتە.
ئاغا زیادی کرد : هەرێمی کوردستان و هێزەکانی پێشمەرگە بەشێک لە عێراقن و ئەبێ پابەندی یاساکانی سەروەریی عێراق بن و ڕێزی بۆ دابنێن. کەواتە ناردنی یارمەتی دارایی لەلایەن ئەمریکاوە بۆ پێشمەرگە، دەستێوەردان لە کاروباری ناوخۆیی عێراق و پێشێل کرانی سەروەریی وڵات بۆ بەدی هاتنی ئامانجی تایبەتە.
شیاوی باسە هاوپەیمانی نێودەوڵەتی دژی داعش بە ڕێبەریی ئەمریکا ڕۆژی شەممە لە ناردنی یارمەتی دارایی و چەک و تەقەمەنی بۆ پێشمەرگە هەواڵی دابوو.
Your Comment