" شنەی وای شەماڵ" چاپ و بڵاو کرایەوە

"شنەی وای شەماڵ" نوێترین بەرهەمی عەلیڕەزا خانی شاعیر، نووسەر و لێکۆڵەری ئیلامی لە سەر شیعری دوو شاعیری ناوداری کورد شاکە و خان مەنسوور چاپ و بڵاو کرایەوە.

بە پێی هەواڵی مێهر، ئەم کتێبە لە لایەن بڵاوگەی باشوور لە ئیلام و لە 340 لاپەڕەدا چاپ و بڵاو کرایەوە.

نووسەری کتێبەکە دەڵێت لەم کتێبەدا جگە لە زیندوو کردنەوەی زمانی کوردی کەلهۆڕی و شەرح و لێکدانەوەی شیعرەکانی شاکە و خان مەنسوور، هەموو بەیتەکان لە بواری وشەناسی، واتا و جوانیناسییەوە لێک دراونەتەوە.

ناوبراو باسی پێویست بوونی ئەم کتێبە لە کتێبخانەی کوردی کرد و وتیشی: شاکە و خان مەنسوور دوو شاعیری کوردی کەلهۆڕ و خەڵکی ئیلامن کە بە هۆی نەخوێندەواری و نەنووسرا بوون، زۆرێک لە بەرهەمەکانیان لە ناو چوون و هەندێکیشیان بە ناو شاعیرانیترەوە تۆمار کراون.

ئەو وتیشی: ئەم کتێبە دەتوانێ لە ئەدەبیاتی کوردی کەلهۆڕیدا سەرچاوەیەک بۆ لێکۆڵەران و خوێندکاران بێت و لە زانکۆکان کەڵکی لێ وەربگیردرێت.

عەلیڕەزا خانی خەڵکی ئیلامە و پێشتر چەندین کتێبی بە ناوەکانی مێژووی ئەدەبیاتی کوردستان،  دیوان کوردی شاکە و خان مەنسوور، ئاریۆ خان، مێژووی ئەیوان و چەندین کۆمەڵە شیعری فارسی چاپ و بڵاو کردۆتەوە.

News Code 36952

نیشانەکان

بۆچوونی ئێوە

You are replying to: .
  • 4 + 0 =