ئامێری سیخوڕی لە باڵەخانەی ناوەندی هەدەپە لە ئەستەنبۆڵ دۆزراوەتەوە

سەرۆکی فراکسیۆنی هەدەپە لە دۆزینەوەی ژمارەیەکی زۆر ئامێری بیستن لە باڵەخانەی ناوەندی هەدەپە لە ئەستەنبۆڵ هەواڵی دا.

بە ڕاپۆرتی ئاژانسی هەواڵی مێهر، سارۆخان ئولچۆ، سەرۆکی فراکسیۆنی پارتی دیمۆکراتی گەلان هەدەپە لە پەرلەمانی تورکیا لە کۆنفڕانسی ڕۆژنامەڤانی ڕایگەیاند: سەرەڕای گۆڕینی کاتی بەڕێوە چوونی کۆبوونەوەیەکی ناڕەزایەتی لەلایەن هەدەپەوە کە داڕێژرابوو، دیسان هێزە ئەمنییەکان لە کاتی نوێدا کە لەلای هیچ کەس نەدرکابوو، لە بەردەم باڵەخانەی هەدەپە لە ئەستەنبۆڵ ئامادە بوون و باڵەخانەکەیان گەمارۆ دا.

ناوبراو درێژەی دا: دوای ئەو ڕووداوە، دەستمان کرد بە پشکنینی بیناکە کە لە ئەنجامدا ژمارەیەکی زۆری ئامێری بیستن لە ژووری هاوسەرۆکەکان، سەرۆکی لقی ژنان و گەنجانی ئەو پارتە دۆزرایەوە. زۆربەی ئەو ئامێرانە لە پریزی کارەبا و گڵۆپەکان دانرابوون.

ئولچۆ هەروەها ڕایگەیاند: پێشتریش لە باڵەخانەکانی ئامەد و وان لە ئەو شێوەی ئامێرگەلە دۆزرابوونەوە کە بە شێوەی تەواو نایاسایی چووبوونە ژوورەوە و دایاننابوو.

سەرۆکی فراکسیۆنی هەدەپە وتیشی کە هیچ ڕێکخراوێک جگە لە وەزارەتی ناوخۆ، پۆلیس و میت ناتوانێت ئاوەها کارێک ئەنجام بدات.

News Code 35127

نیشانەکان

بۆچوونی ئێوە

You are replying to: .
  • 3 + 2 =