داخوازیی ١١ سناتۆری ئەمریکی سەبارەت بە گەمارۆکانی سەر ئێران

ژمارێک لە سناتۆرگەلی دیموکراتی کۆنگریسی ئەمریکا لە نامەیەکدا خوازیاری بەری کرانی کاتیی ئێران و ڤێنزۆئیلا لە گەمارۆگەلی ئەمریکا لە پێناو بەرەنگاربوونەوەی قەیرانی کۆرۆنا بوون.

بە ڕاپۆرتی ئاژانسی هەواڵی مێهر بە گێڕانەوە لە بی‌بی‌سی، یازده سناتۆری دیموکراتی کۆنگریسی ئەمریکا لە نامەیەکدا بۆ مایک پەمپێئۆی وەزیری دەرەوە و ستیو منۆچینی وەزیری خەزێنەی ئەو وڵاتە، خوازیاری هەڵوەشانەوەی کاتیی گەمارۆکانی سەر ئێران و ڤێنزۆئیلا لە پێناو بەرەنگاربوونەوەی قەیرانی کۆرۆنا بوون.

لە بەشێک لە نامەی ئەو سناتۆرانەدا هاتووە: لە کاتێکدا کە ڤایرۆسی کۆرۆنا بە خێرایی لە تەشەنەسەندنە؛ ئێران و ڤێنزۆئیلا بۆ بەرەنگاربوونەوەی ئەو گشتگیرییە بەرەوڕووی کێشەب و سەرەڕای ئەوەی کەرەسەگەلی تەندروستی و دەرمانی لە لسیتی گەمارۆدا نین؛ ناردنی ئەو بابەتانە بە هۆی گەمارۆی سیستەمی دارایی، تووشی کێشە و ئاستەنگ هاتووە.

ئەو سناتۆرانە کە بریتین لە "کریس مۆرفی"، "تام کارپێر"، "بێن کاردین"، "پاتریک لیهی"، "برایان ساتێز"، "ڕیچارد بلۆمێنتاڵ"، "کریس وێن هۆلێن"، "تیم کەین"، "تام یۆداڵ"، "شرۆد براون" و "جێفری مێرکلی"، خوازیاری بەری کرانی ٩٠ رۆژەی ئێران و ڤێنزۆئیلا لەو کەرتانە بوون کە توانستی ئەو دوو وڵاتە بۆ بەرەنگاربوونەوەی ڤایرۆسی کۆرۆنا لاواز دەکات.

News Code 31721

نیشانەکان

بۆچوونی ئێوە

You are replying to: .
  • 1 + 15 =