ڕووداوی هاتوچۆ لە ڕێگای سنە-کامیاران کوژراوی لێکەوتەوە

فەرماندەی پۆلیسی ڕێگاوبانی ئینتزامی کوردستان وتی: تێکهەڵچوونی ئۆتۆمبیلێکی جۆری وانت نەیسان لە گەڵ پەیکانێک لە رێگای سنە-کامیاران سێ کوژراو و ٢ برینداری بەدواوە بووە.

بە ڕاپۆرتی ئاژانسی هەواڵی مێهر، سەرهەنگ عیسا گەوهەری وتی: ئەو ڕووداوە لە کیلۆمەتری ٢٧ ی ئەو ڕێگایە ڕووی دا و بە هۆیەوە شۆفێر و ٢ کەسی تری ناو ئۆتۆمبیلی پەیکانەکە گیانیان لە دەست دا و یەکێک لە کەسەکانی تری ناو پەیکانەکە و شۆفێری نەیسانەکەش بریندارن.

ناوبراو  هۆکاری ئەو ڕووداوەی تێپەڕینی ئاستی خێرایی ستاندارد و نەتوانینی شۆفێرەکە لە کۆنترۆڵی ئۆتۆمبیلەکە ڕاگەیاند و زیادی کرد: بریندارەکانی ئەو ڕووداوە لە لایەن هێزەکانی فریاکەوتنەوە گواسترانەوە بۆ ناوەندەکانی دەرمانی.

News Code 30065

نیشانەکان

بۆچوونی ئێوە

You are replying to: .
  • captcha