گورزی کوشندە لە چەند گرووپی تیرۆریستی لە سەروبەندی ئەربەعین

وەزیری ئیتلاعات بە ئاماژە بە هاوکاری ئیتلاعاتی ئێران و عێراق بۆ ئەربەعین، لە گورز لێدانی چەند گرووپی بۆمب دانەر لە وڵات، هەواڵی دا.

بە ڕاپۆرتی ئاژانسی هەواڵی مێهر، سەید مەحموود عەلەوی نیوەڕۆی ئەمڕۆ دووشەممە لە سەردان لە سنووری مێهران ئاشکرای کرد: لە هەر سێ سنووری مێهران، چەزابە، شەلەمچە دۆخی هاتوچۆ باشە و هیچ کێشەیەک نییە.

 ناوبراو بە ئاماژە بە گەشەی ژیرخان و ئیمکانات لە سنووری مێهران و سنوورەکانی تری وڵات، زیادی کرد: ئەو زیارەتکارانەی کە ساڵانی ڕابردوو لە سنووری مێهرانەوە هاتوچۆیان کردووە بە باشی پێشکەوتن و گەشەی ژێرخانەکانیان لە ئەو سنوورە بینیوە.

ناوبراو زیادیشی کرد: لە ئاوەها کاتێکی قەرەباڵغ و هاتوچۆی زۆردا، دوژمنان دەکەونە بیری کاری خراپکارانەوە تا خەڵک چاوترسێن بکەن.

عەلەوی لە درێژەدا وتیشی: هەر لە ئەم ماوەدا چەند جار هەوڵ بۆ بۆمبدانەری بۆ دروست کردنی نائەمنی درا کە شوکر بۆ خودا پیلانەکانیان پووچەڵ کرایەوە.

زیادیشی کرد: لە دوو هەفتەی دواییدا ٥٠ پارچە چەک دۆزرایەوە، پیلانی ئەوان نائەمنی بوو بەڵام نەگەیشتنە ئامانجەکەیان.

عەلەوی لە کۆتاییدا جەختی کرد: هاوکاری ئیتلاعاتی زۆر باشمان بە گەڵ دۆستانمان لە عێراق هەبووە و هەمانە کە هیوادارن ئارامش و ئاسایش بۆ هاتوچۆی زیارەتکاران دروست بکەین.

News Code 28901

نیشانەکان

بۆچوونی ئێوە

You are replying to: .
  • 6 + 11 =