تیرۆریستەکان لە ئەدلەب بە چەکی قورس لە ناوچەی داماڵڕاو لە چەک دان

وەزیری دەرەوەی سووریا ئاماژەی دا کە تیرۆریستەکان لە ئەدلەب بە چەکی قورس لە ناوچەی داماڵڕاو لە چەک دان و جەختی کرد: ئەدلەب لە لایەن تیرۆریستەکانی سەر بە تورکیا و ڕۆژئاوا داگیر کراوە.

به ڕاپۆرتی ئاژانسی مێهر لە سپۆنتیک، وەلید موعەلم، وەزیری دەرەوەی سووریا وتی: سەرەڕای واژۆ کردنی ڕێککەوتنی ناوچەی داماڵڕاو لە چەک لە نێوان ئەردۆغان و پووتین، تیرۆریستەکان لەم ناوچەیە بە چەکی قورسەوە جێگیر بوون و نەکشاونەتەوە.

ئەو زیادی کرد: ئەمە نیشان دەدات کە تورکیا نایەوێت بەڵێنەکانی جێبەجێ بکات، هەربۆیە ئەدلەب لە لایەن تیرۆریستەکانی سەر بە تورکیا و ڕۆژئاوا داگیر کراوە.

وەزیری دەرەوەی سووریا وتی: ئەمریکاش لە ڕۆژهەڵاتی سووریا لە ژێر چەتری هاوپەیمانی نێونەتەوەیی هەزاران سووری کوشتووە و بەپێچەوانە پشتیوانی داعشن. ڕەقە ئەمە دەسەڵمێنێت و سەرهەڵدانەوەی داعشلە سنوورەکانی سووریا و عێراق بە هۆی پشتیوانی ئەمریکایە.

موعەلم ئاماژەی دا: ئەمریکا بە بیانۆی پشتیوانی لە کوردی سووریا، لە ناوچە کوردنشینەکان بنکەی سەربازی و فڕۆکەخانە ساز دەکات و لە تەنفیش خۆی جێگیر کردووە تاکوو یارمەتی داعش بدات بۆ ژیانەوە. ئەمریکا لە دوای درێژە دان بە قەیرانی سووریایە. سوپای سووریا و هاوپەیمانەکانی لەگەڵ داعش و بەرەی نوسرە شەڕ دەکەن.

News Code 22746

نیشانەکان

بۆچوونی ئێوە

You are replying to: .
  • 2 + 1 =