وه‌فدێكی باڵای یه‌كێتی لە گەڵ عەبادی، سەدر و حەکیم کۆبووەوە

وه‌فدی باڵای یه‌كێتی نیشتمانی كوردستان به ‌سه‌رۆكایه‌تی مه‌لا به‌ختیار ئەوڕۆ گەیشتە به‌غدا و بڕیارە له ‌گه‌ڵ لیسته‌ براوه‌كانی هه‌ڵبژاردنی په‌رله‌مانی عیراق كۆبێتەوە‌.

بە ڕاپۆرتی ئاژانسی هەواڵی مێهر بە گێڕانەوە لە pukmedia، لێپرسراوی ڕاگه‌یاندنی مه‌كته‌بی سیاسی یەکێتی نیشتمانی وێرای ڕاگەیاندنی ئەو هەواڵە وتی: وه‌فدی باڵای یه‌كێتی نیشتمانی كوردستان به‌ سه‌رۆكایه‌تی مه‌لا به‌ختیار به‌رپرسی ده‌سته‌ی كارگێر و به ‌ئه‌ندامێتی رزگار عه‌لی، خالید شوانی، فریاد ره‌واندزی و سه‌عدون فه‌یلی، ئەوڕۆ گەیشتنە بەغدا.

كاروان یاروه‌یس ڕوونیشكردەوە: به‌رنامه‌ی دیدار و كۆبوونه‌وه‌كانی وه‌فدی باڵای یه‌كێتی له ‌گه‌ڵ حزب و لایه‌نه‌ سیاسییه‌كانی عێراق به ‌تایبه‌تی لیسته‌ براوه‌كان لەوڕۆوە ده‌ست پێ ده‌كات.

ناوبراو بە ئاماژە بە دیدار و گفتوگۆی ئەو وەفدە لە گەڵ موقتەدا سەدری سەرۆکی ڕەوتی سەدر و هاوپەیمانیی سائێرۆن، حەیدەر عەبادی سەرۆک وەزیرانی عێراق، عەمار حەکیم، نووری مالیکی و ئوسامە نەجیفی و ڕەوتە سیاسییەکانی دیکەی عێراق لە میانەی سەفەرەکەیان بۆ بەغدا، زیادی کرد: برِیاره‌ سه‌ردانه‌كه‌ دوو رۆژ بخایه‌نێت و دیدار و كۆبوونه‌وه‌كانیش له‌باره‌ی ده‌ره‌نجامه‌كانی ھه‌ڵبژاردن و گفتوگۆكان بۆ پێكھێنانی كابینه‌ی نوێی حكوومه‌تی عێراق ده‌ست پێ بكات.

News Code 19029

نیشانەکان

بۆچوونی ئێوە

You are replying to: .
  • 7 + 0 =