کاردانه‌وه‌ی مالکی به‌ وته‌کانی ماکرۆن سه‌باره‌ت به‌ حه‌شدی شه‌عبی

جێگری سەرۆک کۆماری عێراق ڕایگەیاند: لێدوانەکانی ئیمانۆئیل ماکرۆن کە داوای هەڵوەشاندنەوەی هێزەکانی حەشدی شەعبی کردووە، دەستوەردانە لە کاروباری ناوخۆیی عێراق.

به‌ ڕاپۆرتی ئاژانسی هه‌واڵی مێهر،نوسینگەی ڕاگەیاندنی مالکی لە بەیاننامەیەکدا ڕایگەیاند: دەستوری فەڕەنسا دەڵێت نابێت دەستوەردان بکرێت لە کاروباری وڵاتانی جیهان، بەڵام سەرۆکی فەڕەنسا دووچاری سەرسوڕمانیکردوون، کە بە لێدوانەکانی دەستوەردان دەکات لە کاروباری ناوخۆیی عێراق.

مالکی وتی: ماکرۆن ده‌ستێوه‌ردان له‌ عێراق ده‌کات به‌ داواکردنی هەڵوەشانەوەی دامەزراوەیەکی فەرمی و یاسای کە حەشدی شەعبییە.

وتیشی: "ئەو هەڵوێستەی فەڕەنسا بە توندی رەتدەکەنەوە و دەستوەردانە لە سەروەری و دامەزراوەکانی عێراق و تەنانەت دژی دەستوری فەڕەنساشە".

شیاوی ئاماژه‌یه‌ ئیمانۆئیل ماکرۆن سەرۆک فەڕەنسا لە کۆنفڕانسێکی ڕۆژنامەوانیدا هاوبەشدا لەگەڵ نیچیرڤان بارزانی ڕایگەیاند: فەرەنسا پشتیوانی لە گفتوگۆی نیشتیمانی عێراقی دەکات و پێویستە پارێزگاری لە مافەکانی کورد بکرێت.

ماکرۆن ڕایگەیاند: پێویستە کۆتایی بە میلیشیاکان بهێنرێت لە عێراق لە ناویشیاندا حەشدی شەعبی، پێشتیریش لەگەڵ عەبادی قسەی لەو بارەیەوە لەگەڵدا کردووە.

News Code 14943

نیشانەکان

بۆچوونی ئێوە

You are replying to: .
  • 5 + 6 =