هەڵسوکەوتی میانمار له‌گه‌ڵ موسوڵمانه‌کان ئاپارتایدییه‌

ده‌رنجامی ۲ ساڵ لێکۆڵینه‌وه‌ له‌ لایه‌ن لێبورده‌یی نێونه‌ته‌وه‌یی نیشانی ده‌دات که‌ هه‌ڵسوکه‌وتی ده‌وڵه‌تی میانمار له‌ به‌رانبه‌ر موسوڵمانه‌کانی ئه‌م وڵاته‌ ئاپارتایدییه‌.

به‌ ڕاپۆرتی ئاژانسی مێهر له‌ فرانس پرێس، ڕێکخراوی لێبورده‌یی نێونه‌ته‌وه‌یی له‌ میانه‌ی ڕاپۆرتێکدا ئاماژه‌ی دا که‌ ده‌وڵه‌تی میانمار وه‌ک ڕژیمه‌ ئاپارتیدییه‌کان له‌گه‌ڵ موسوڵمانه‌کان هه‌ڵسوکه‌وت ده‌کات و سه‌پاندنی سته‌م و نابه‌رابه‌ری له‌ دژی که‌مینه‌ ئێتنیکییه‌کان سه‌رچاوه‌ی سه‌ره‌کی قه‌یرانه‌کانی ئێسته‌یه‌ که‌ زیاتر له‌ ۶۲۰ هه‌زار ئاواره‌ی لێکه‌وتووه‌ته‌وه‌.

ڕاپۆرته‌که‌ی ئه‌مڕۆی نه‌ته‌وه‌ یه‌کگرتووه‌کان له‌ ۱۰۰ لاپه‌ڕه‌دا بڵاو بووه‌ته‌وه‌ که‌ ده‌رنجامی ۲ ساڵ لێکۆڵینه‌وه‌یه‌ و جه‌خت ده‌کات که‌ ده‌وڵه‌تی میانمار به‌ نه‌هێنی هه‌مان هه‌ڵسوکه‌وتی ڕژیمه‌ ئاپارتایدییه‌کانی له‌ دژی موسوڵمانه‌کانی ئه‌م وڵاته‌ په‌ به‌رگرتووه‌.

شایانی باسه‌ که‌ ئه‌م ڕاپۆرته‌ی لێبورده‌یی نێونه‌ته‌وه‌یی ته‌نیا چه‌ند ڕاۆژ دوای بڵاو بوونه‌وه‌ی ڕاپۆرته‌که‌ی ناوه‌ندی چاودێڕی مافی مرۆڤ بڵاو بووه‌ته‌وه‌ که‌ کاره‌کانی ده‌وڵه‌تی میانماری به‌ توندی ئیدانه‌ کردبوو.

به‌ پێی ئه‌م ڕاپۆرته‌ی لێبورده‌یی نێونه‌ته‌وه‌یی ده‌ستدرێژی کردنه‌ سه‌ر ژنانی موسوڵمان به‌ ئه‌نقه‌ست ئه‌نجام ده‌بێت تاکوو پاکتاوی نه‌ته‌وه‌یی ئه‌نجام بدرێت، ئه‌گه‌رچی ده‌وڵه‌تی میانمار هه‌موو ئه‌م بابه‌تانه‌ی ڕه‌ت کردووه‌ته‌وه‌.

News Code 14655

نیشانەکان

بۆچوونی ئێوە

You are replying to: .
  • 8 + 4 =