۶۰۰ داعشی خۆیان ڕاده‌ست کردووه‌/ڕه‌قه‌ ۴ مانگی تر ئازاد ده‌بێت

فه‌رمانده‌یه‌کی باڵای هێزه‌کانی دیموکڕاتیکی سووریا ڕایگه‌یاند که‌ نزیک به‌ ۶۰۰ تیرۆریستی داعشی خۆیان ڕاده‌ستی هێزه‌ کوردییه‌کان کردووه‌.

به‌ ڕاپۆرتی ئاژانسی مێهر له‌ هاوارنیوز، هه‌واڵ گابار، فه‌رمانده‌ی باڵای هێزه‌کانی دیموکڕاتیکی سووریا ڕایگه‌یاند که‌ نزیک به‌ ۶۰۰ تیرۆریستی داعشی خۆیان ڕاده‌ستی هێزه‌ کوردییه‌کان کردووه‌ و ته‌نیا ژماره‌یه‌کی که‌م له‌ داعشییه‌کان له‌م شاره‌دا ماون.

ئه‌و سه‌باره‌ت به‌ کاتی ئازاد بوونی ته‌واوی شاره‌که‌ له‌ ده‌ستی داعش وتی: زیاد له‌ نیوه‌ی شاره‌که‌ ئازاد بووه‌ و سه‌ره‌ڕای ئه‌مه‌ش ئێمه‌ پێشبینی ده‌که‌ین ئازاد کردنی ته‌واوی شاره‌که‌ ۴ مانگی دیکه‌ بخایه‌نێت.

گابار جه‌ختی کرد: نزیک به‌ هه‌زار تیرۆریستی داعشی له‌ ڕه‌قه‌دا ماون و داعش به‌ ته‌واوی وره‌شی له‌ ده‌ست داوه‌.

ئه‌و وتی: ئێمه‌ له‌ هه‌موو سووچه‌کانه‌وه‌ پێشڕه‌وی ده‌که‌ین، به‌ڵام زۆر به‌ هه‌ستیارییه‌وه‌، چون هه‌موو شه‌قامه‌کانی ڕه‌قه‌ مین ڕێژی کراوه‌ و تیرۆریسته‌کان له‌ خه‌ڵکی سڤیل وه‌ک قه‌ڵغانی مرۆڤیش سوود ده‌به‌ن.

له‌ لایه‌کی دیکه‌وه‌ ته‌لال حه‌سۆ، وته‌بێژی هێزه‌کانی دیموکڕاتیکی سووریا به‌ ڕۆیترز ڕایگه‌یاند: له‌ باکووری ڕه‌قه‌ داعش بوونی نه‌ماوه‌، به‌ڵام ڕێژه‌ی مینه‌ چێندراوه‌کان له‌م ناوچه‌یه‌ یه‌کجار زۆره‌ و ئه‌مه‌ش پێشڕه‌وییه‌کانی خاو کردووه‌ته‌وه‌.

News Code 11899

نیشانەکان

بۆچوونی ئێوە

You are replying to: .
  • 5 + 2 =