کوردناسی به‌ناوبانگی فه‌ڕه‌نسی کۆچی دوایی کرد

کریس کۆچرا، نووسه‌ر و ڕۆژنامه‌نووسی دیاری فه‌ڕه‌نسی له‌ ته‌مه‌نی ۷۹ ساڵه‌ییدا کۆچی دوایی کرد.

به‌ ڕاپۆرتی ئاژانسی مێهر، کریس کۆچرا، نووسه‌ر و ڕۆژنامه‌نووسی دیاری فه‌ڕه‌نسی و نووسه‌ری کتێبی "بزوتنه‌وه‌ی نه‌ته‌وه‌یی کورد" له‌ ته‌مه‌نی ۷۹ ساڵه‌ییدا کۆچی دوایی کرد.

به‌ پێی ئه‌م ڕاپۆرته‌، ئه‌م نووسه‌ره‌ دیاره‌ی فه‌ڕه‌نسا ۳ ڕۆژ پێش ئێستا کۆچی کردووه‌، به‌ڵام هاوژینه‌که‌ی دوێنێ هه‌واڵی مردنه‌که‌ی ئاشکرا کرد.

ئه‌و یه‌کێکه‌ له‌و ڕۆژنامه‌نووس و نووسه‌رانه‌ی که‌ له‌ نێو کۆمه‌ڵگایی کوردیی لاینگری تیابه‌ت به‌ خۆیی هه‌یه‌ و ئه‌مه‌ش بۆ ئه‌م بابه‌ته‌ ده‌گه‌ڕێته‌وه‌ که‌ ئه‌م که‌سایه‌تییه‌ ئه‌ورووپییه‌ به‌رده‌وام په‌رۆشی دۆخی کورد بووه‌ و گرنگی پێداوه‌.

کتێبی "بزوتنه‌وه‌ی نه‌ته‌وه‌یی کورد" له‌ لایه‌ن ئیبراهیم یونسی، وه‌رگێڕی دیاری کورده‌وه‌ کراوه‌ به‌ فارسی، کۆچر اهه‌روه‌ها ۳ کتێبی دیکه‌شی له‌ سه‌ر کورد به‌ فه‌ڕه‌نسی نووسیوه‌.

کریس کۆچرا به‌رده‌وام هه‌وڵی داوه‌ که‌ دۆسیه‌ی کورد له‌ ڕوانگه‌ی که‌سایه‌تییه‌کی بێلایه‌نه‌وه‌ ڕچاو بکات و به‌شێک له‌ مێژووی سه‌رده‌می ڕۆژهه‌ڵاتی ناڤین به‌ دروستی بنووسێته‌وه‌.

News Code 11734

نیشانەکان

بۆچوونی ئێوە

You are replying to: .
  • 2 + 2 =