گفتوگۆی تەلەفۆنی ڕاوێژکاری ڕێبەری باڵای ئێران لەگەڵ نووری مالیکی

بە ڕاپۆرتی ئاژانسی هەواڵی مێهر، عەلی ئەکبەر ویلایەتی ڕاوێژکاری ئایەتوڵڵا خامنەیی بۆ کاروباری نێودەوڵەتی، لە گفتوگۆیەکی تەلەفۆنی لەگەڵ نووری مالیکی، سەبارەت بە گرینگترین گۆرانکاریە ناوچەیی و نیودەوڵەتیەکان لەوانە پێوەندی عێراق و ئێران گفتوگۆیان کرد.

ویلایەتی لە ئەو گفتوگۆیەدا بە ئاماژە بە گۆڕانکاریەکانی ئەم دواییە لە ئێران، مالیکی خستە بەردەنگەوە و وتی: پیلانەکانی ئەم دواییە لە ئێران لە درێژەی شکستە پێشووەکانی ئەمریکا و ئیسرائیل لە رابردوو بوو و جەختی کرد کە دوژمن بە ئەو هەوڵە بەربڵاوانە، لە درێژەی ئامانجی گەورەتر هەنگاوی هەڵێنا، بەڵام گەلی ئێران پووچەڵیان کردەوە. بەڵام ئەوە بەس نییە و ئەمریکا ئەبێ وەڵامدەری هەوڵەکانی خۆی بێت.

ویلایەتی وتیشی کە بە پشتی خودا ئەو پیلانە پووچەڵ بووەوە بەڵام بەرەنگار بوونەوەی ئیسرائیل و ئەمریکا بە شێوەی جیدی درێژەی دەبێت. ئەو ڕووداوە تەنیا لە دژی ئێران نەبوو، بەڵکوو پیلانێک لە دژی سەرجەم ناوچەکە بوو و ئینشائەڵڵا ئێران، عێراق، حزبوڵڵای لوبنان، فەلەستین و ئەنساروڵڵای یەمەن لە بەرانبەر هەموو ستەمکاران، بەتایبەتی زایۆنیەکان، دەوەستنەوە.