بە ڕاپۆرتی ئاژانسی هەواڵی مێهر، سەید عەباس عێراقچی لە پەیوەندی تەلەفونی لەگەڵ ئانتۆنیۆ گوترێش، وێڕای شیكردنەوەی ڕووداوەکانی ئەمدواییەی ئێران کە بە گردبوونەوە و ناڕەزایەتیی ئاشتیخوازانە هەمبەر بە دۆخی ئابووری دەستی پێکردبوو، بەڵام ئەمریکا و ڕژیمی زایۆنی بە دەستێوەردانی ڕاستەوخۆ و هاندانی تیرۆریستانی ئەو ناڕەزایەتییەیان بە ئاراستەی توندوتیژیدا برد، جەختی لە بەرپرسایەتی نێودەوڵەتی دەوڵەتی ئەمریکا بە هۆی دەستێوەردانی نایاسایی و تێکدەرانە لە کاروباری ئێران کرد و خوازیاری ئیدانەی ئەو جەنایەتەی ئەمریکا لە لایەن ڕێکخراوی نەتەوە یەکگرتووەکان بوو.
عێراقچی هەروەها هەنگاوی ئەمریکا بۆ بەڕێوەبردنی کۆبوونەوەی ئەنجومەنی ئاسایشی بە بیانووی پێداچوونەوە بە گۆڕانکارییە ناوخۆییەکانی ئێرانی ڕیاکارانە زانی و جەختیشی کرد: دەوڵەتی ئەمریکا بە سەپاندنی گەمارۆگەلی ستەمکارانە لە دژی گەلی ئێران و بە هاودەستیی ڕژیمی زایۆنی لە دەستدرێژیی سەربازی بۆ سەر ئێران، بەرپرسی کوژرانی هەزاران هاووڵاتیی ئێرانییە و کوژرانی سەدان ئێران لە لایەن تیرۆریستانی چەکدار لە میانەی نائارامییەکانی ئەمداوییەیە و ناتوانێ بە بەڕێوەبردنی کۆبوونەوەی ئەنجومەنی ئاسایش جەنایەتەکانی بشواتەوە.
Your Comment