بە ڕاپۆرتی ئاژانسی هەواڵی مێهر، ماڵپەڕی کەناڵی ئەلمەیادین لە ڕاپۆرتێکدا سەبارەت بە ڕێپێوانی گەورەی گەلی ئێران لە دژی ئاژاوەچییەکان نووسی: ملیۆنان ئێرانی ڕۆژی دووشەممە بە ئامادەبوون لە شەقامەکانی پارێزگا جیاوازەکانی ئەو وڵاتە، ئاژاوەکانی ئەم دواییە لە ئێران و دەستێوەردانەکانی وڵاتانی ڕۆژاوایی لە کاروباری ناوخۆیی خۆیان ئیدانە کرد.
ئەو ڕووداوە لە سەرتاسەری ئێران نیشانی دا کە کێشی پاڵپشتی گەلی ئەو وڵاتە لە دەسەڵات هێشتا قورسە و ئەو سیستەمە پاڵپشتی بەربڵاوی خەڵکی هەیە لە بەرانبەر ئاژاوەکاندا.
محەمەد شەمس شرۆڤەکاری سیاسی بەئەلمەیادینی وت: ڕێپێوانە ملیۆنیەکەی خەڵکی ئێران ئاژاوەکانی پووچەڵ کردەوە، ئاژاوەگەلێک کە بە پاڵپشتی ئەمریکا و وڵاتانی دەرەکی بەڕێوە چوو.
Your Comment