بە ڕاپۆرتی ئاژانسی هەواڵی مێهر، هێزە چەکدارەکانی یەمەن بەیاننامەیەکی بڵاو کردەوە و تیایدا وتی: ئێمە دژایەتی هەر دەستدرێژییەکی ڕژێمی زایۆنیستی بۆ سەر غەززە، لوبنان، سووریا و هەر وڵاتێکی دیکەی عەرەبی و ئیسلامی دەکەین.
دوژمنی زایۆنیست بە پشتیوانی تەواوی ئەمریکا هەوڵ دەدات تەواوی ناوچەکە بکاتە ئامانج و پڕۆژە ترسناکەکانی جێبەجێ بکات.
لە درێژەی بەیاننامەکەدا هاتووە: ئەوان هەوڵی لەناوبردنی کۆماری ئیسلامی ئێران دەدەن چونکە ئەم ڕژیمە گەورەترین بەربەستە لە بەردەم جێبەجێکردنی پلانەکانی ئەمریکا و ڕژێمی زایۆنیستی لە ناوچەکەدا.
ئێمە ناتوانین بە پشتیوانی ئەمریکا لە بەرامبەر دەستدرێژیی ڕژێمی زایۆنی بۆ سەر ئێران بێدەنگ بین چونکە ئەمە بە واتای لەناوبردنی ئازادی و سەربەخۆیی و کەرامەتی نەتەوەکەمان و تاڵانکردنی سەرچاوەکانمان و داگیرکردنی خاکەکانمان و زەلیلکردنی ئێمەیە.
لە ڕاگەیەندراوەکەدا جەخت لەوە کراوەتەوە: شەڕی ئێستا شەڕی هەموو میللەتە. ئێمە چاودێری هەموو جموجۆڵەکانی ناوچەکە دەکەین بە جموجۆڵەکانی دژی یەمەنەوە. یەمەن لەگەڵ هەر وڵاتێکی عەرەبی و ئیسلامی کە لەلایەن ڕژێمی زایۆنیستییەوە کراوەتە ئامانج، وەستاوە.
لە درێژەی بەیاننامەکەدا هاتووە: لە ئەگەری بەشداریکردنی ئەمریکا لە دەستدرێژی بۆ سەر ئێران، یەمەنیش کەشتییە ئەمریکییەکان و بەلەمەکانی لە دەریای سووریش دەکاتە ئامانج.
Your Comment