بە ڕاپۆرتی ئاژانسی هەواڵی مێهر لە ئەلمەیادین، دەوڵەتی عێراق بە تەمایە بە مەبەستی پەرەپێدان بە هاوکارییە ئەمنی و بەرگرییەکان لەگەڵ تاران، پارت و گرووپە دژبەرەکانی ئێران لە خاکی عێراق قەدەغە بکات.
بەم پێیە و بە پێی بڕیاری ناوەندی ڕاوێژکاری ئاسایشی نەتەوەیی عێراق، لە دریژەی پەرەپێدان بە هاوکارییەکانی بەغدا و تاران و بە مەبەستی تۆکمە کردنەویە سنوورەکان و پێوەندی دوولایەنە لەگەڵ کۆماری ئیسلامی ئێران، چالاکی گرووپ و پارتە جیاجیاکانی ئێران لە خاکی عێراق قەدەغە دەکرێت.
هەروەها هاتووە کە فەرمانگەلێک بۆ ناوەندە ئەمنی و سەربازییەکان، ئیدارەی دەروازە سنوورییەکان و حکومەتی هەرێم دراوە تا هەوڵی پێویست بۆ جێبەجێ کردنی ئەو بڕیارە بدەن.
ئەو بڕیارە بریتیە لە داخستنی ناوەندەکانی ئەو گرووپانە و ڕێگری لە هەر جۆرە چالاکییەکی سیاسی، مێدیایی و سەربازی، ڕێگری لە بەکارهێنانی خاکی عێڕاق وەکوو بنکەیەک بۆ هاندان یان ئەنجامی هێرش بۆ سەر ئێران، چڕ کردنەوەی چاوەدێری بەسەر ناوچە سنووریەکان، بەتایبەتی ناوچە کوێستانییەکان و تۆکمە کردنەوەی هاوئاهەنگی ئەمنیەتی نێوان بەغدا و هەولێر بۆ جێبەجێ کردنی هەمەلایەنەی ئەو بڕیارە.
Your Comment