بە ڕاپۆرتی ئاژانسی هەواڵی مێهر، لە چەند ڕۆژی ڕابردوودا توخمەکانی پەیوەست بە تیرۆریستانی حوکمڕانی سووریا دوو سەرکردەی فەلەستینیان دەستبەسەر کردووە.
بە پێی ئەم ڕاپۆرتە، خالد خالد، بەرپرسی بزووتنەوەی حەماس لە سووریا و ئەبوو عەلی یاسر، سەرۆکی دەستەی کارگێڕی بزووتنەوەکە لە دیمەشق دەستبەسەر کراون.
ئەو سەرچاوانە ئاماژەیان بەوەشکردووە، سەرکردەکانی فەلەستین و عەرەب لە ناوخۆ و دەرەوەی سووریا کار بۆ ئازادکردنی ئەو دوو کەسە دەکەن.
ئەمە یەکەمجارە کە سەرکردەکانی فەلەستین لە سووریا دەستگیر بکرێن.
13 گرووپی فەلەستینی بنکەیان لە سووریا هەیە و هەندێکیان ئەو وڵاتەیان بەجێهێشتووە. ئەمە لە کاتێکدایە کە ڕژێمی تیرۆریستیی جۆڵانی وەڵامی دەستدرێژی ڕژێمی زایۆنیستی بۆ سەر ئەم وڵاتە ناداتەوە.
Your Comment