بە ڕاپۆرتی ئاژانسی هەواڵی مێهر بە گێڕانەوە لە "الجزیره"، عەبدوڵڵای دووەم پادشای ئۆردۆن لە پەیوەندی تەلەفونی لەگەڵ "محەمەد شیاع سوودانی" سەرۆک وەزیرانی عێراق وێڕای لێکدانەوەی گۆڕانکارییەکانی سووریا، جەختی لە گرنگیی یەکپارچەیی سەرزەوینی، سەروەری و سەقامگیریی سووریا کرد و وتی: ئۆردۆن لە پەنای برایانی خۆی لە دیمەشق وەستاوە.
هاوکات سەرۆک وەزیرانی عێراق لەو پەیوەندییە تەلەفونییەدا جەختی لە زەروورەتی هاوئاهەنگی هەوڵەکان و پاڵپشتیی عێراق لە هەڵمەتی عەرەبی و نێودەوڵەتیی هاوبەش بۆ بەرەنگاربوونەوەی کێشەکانی ناوچەکە کرد.
سوودانی ڕاشیگەیاند: ئاسایش و سەقامگیریی سووریا نە تەنیا بۆ عێراق، بەڵکوو بۆ هەموو وڵاتانی ناوچەکە گرنگییەکی زۆری هەیە.
Your Comment