فستیڤاڵی هه‌زار ده‌ف له‌ سنه‌ به‌ڕێوه‌ ده‌چێت

سه‌رۆکی حه‌وزه‌ی هونه‌ری پارێزگای کوردستان له‌ به‌ڕێوه‌ چوونی فستیڤاڵی مۆسیقای هه‌زار ده‌ف له‌ شاری سنه‌ هه‌واڵی دا.

به‌ ڕاپۆرتی ئاژانسی مێهر، ئه‌مین مورادی، سه‌رۆکی حه‌وزه‌ی هونه‌ری پارێزگای کوردستان سه‌باره‌ت به‌م فستیڤاڵه‌ وتی: ئه‌م فستیڤاڵه‌ ۲۴ی خه‌رمانان له‌ سنه‌ به‌ڕێوه‌ ده‌چێت.

ئه‌مین مورادی دوێنێ له‌ کۆنفڕانسێکی هه‌واڵنێری له‌ سنه‌ ڕایگه‌یاند: ئه‌م فستیڤاڵه‌ له‌ عه‌ماره‌تی خه‌سره‌و ئاوای شاری سنه‌ به‌ڕێوه‌ ده‌چێت و ته‌وه‌ری سه‌ره‌کی ئه‌م فستیڤاڵه‌ش مۆسیقای عرفانی و خانه‌قاییه‌ که‌ به‌شێکی گرنگه‌ له‌ که‌لتور و ئاینی خه‌ڵکی کوردستان.

ئه‌و زیادی کرد: ئێمه‌ له‌ حه‌وزه‌ی هونه‌ری هه‌وڵێکی زۆرمان داوه‌ تاکوو ئاوڕ له‌ هه‌موو بواره‌ هونه‌رییه‌کانی کوردستان بده‌ینه‌وه‌، وه‌ک سینه‌ما، نیگارکێشی، کاریکاتۆر، مۆسیقا، شانۆ و دیزاین. ته‌نانه‌ت ئه‌مساڵ هه‌وڵمان دا تاکوو نووسینه‌وه‌ی فه‌رهه‌نگ نامه‌ی گه‌وره‌ی فه‌رهه‌نگی و هونه‌ری کوردستان ده‌ست پێبکه‌ین که‌ هه‌ر کام له‌ کتێبه‌کان تایبه‌ت ده‌ده‌رێت به‌ هونه‌رێکی کوردی و که‌سایه‌تییه‌کانی ئه‌و بواره‌.

ئه‌و ئاماژه‌ی دا: له‌ به‌ڕێوه‌ چوونی ئه‌م فستیڤاڵه‌، گرووپی هه‌زار ده‌فی سنه‌ ڕۆلێکی سه‌ره‌کیان هه‌یه‌ و هه‌وڵێکی زۆر دراوه‌ تاکوو فستیڤاڵه‌که‌ له‌ ئاستێکی زۆر باشدا به‌ڕێوه‌ بچێت.

News Code 5119

نیشانەکان

بۆچوونی ئێوە

You are replying to: .
  • 3 + 2 =