سەرۆک کۆماری عێراق پەیامێکی بۆ گەلی ئێران نارد

بە پێی ڕاپۆرتی ئاژانسی هەواڵی مێهر، سەرۆكایەتیی كۆمار راگەیەندراوێكی لەبارەی تەقینەوەكانی پارێزگای كرمان لە كۆماری ئیسلامیی ئێران بڵاو کردەوە و ئیدانەی ئەو پەلامارەی کرد.

سەرۆكایەتیی كۆماری عێراق ڕایگەیاند: ئەو تەقینەوە تیرۆریستییانە ئیدانە دەكات، كە لە شاری كرمانی ئێران روویاندا و دەیان هاوڵاتی سڤیل گیانیان لەدەستدا و برینداربوون.

هەر لە راگەیەندراوەكەدا هاتووە، لە كاتێكدا عێراق پشتیوانی و پاڵپشتی بۆ رووبەڕووبوونەوەی ئەو كردەوە تیرۆریستییە شەرمەزاركەرانە دووپاتدەكاتەوە، سەرەخۆشی و هاوخەمی بۆ سەركردایەتی و حكومەت و گەلی كۆماری ئیسلامیی ئێران بەهۆی ئەو رووداوە دڵتەزێنەوە رادەگەیەنێت.

هەر لە راگەیەندراوەكەدا هاتووە، “لە خوای گەورە دەپاڕێینەوە قوربانییەكان بخاتەبەر رەحمەتی خۆی و سەبووری و ئارامی بە خانەوادەكانیان ببەخشێت، هەروەها بە زوویی شیفای برینداران بدات.”