بە ڕاپۆرتی ئاژانسی هەواڵی مێهر، ڕێبەر ئەحمەد وەزیری ناوخۆی هەرێم لە شاری ژێنێڤ لەگەڵ حسێن ئەمیر عەبدوڵڵاهیان دیداری کرد و دوولایەنەکە لەسەر ڕەوتی جێبەجێ کردنی ڕێککەوتنی ئەمنی نێوان دوو وڵاتەکە باس و گفتوگۆیان کرد.
ڕێبەر ئەحمەد لە ئیکس نووسی: گفتوگۆکانی ئێمە لەسەر پێوەندی مێژوویی عێراق و ئێران و هاوکاری زیاتر و جێبەجێ کردنی ڕێککەوتنی ئەمنی دوولایەنە بوو.
هاوکات لەگەڵ ئەوە هەواڵدەری فەرمی ئێرانیش ڕایگەیاند کە ئەمیر عەبدوڵڵاهیان وێڕای خۆشحاڵی لە سەر تۆکمە بوونەوەی پێوەندی ئێران و عێراق زیادی کرد: ئەنجامی ئەو کارە لە قازانجی هەموو ناوچەکەیە.
ڕێبەر ئەحمەد وتیشی: سەقامگیری و ئاسایشی ناوچەکە ئامانجی هاوبەشی دوولایەنەکەیە بۆ ئەو مەبەستەش هاوکارییەکان درێژەی دەبێت.
بۆچوونی ئێوە