بە پێی راپۆرتی ئاژانسی هەواڵی مێهر، سەید ئیبراهیم رەئیسی سەرۆک کۆماری ئێران لە رێورەسمی واژۆی رێککەوتننامەی چێکردنی رێگای هێڵی ئاسنی، ڕەشت _ ئاستارا کە بە شێوەی ڤیدیۆ کۆنفڕانس بەڕێوەچوو، وتی: ئەم رێککەوتنە هەنگاوێکی گرینگ و ستراتژیکە بۆ پەرەدان بە هاوکاری دوو وڵات.
رەئیسی وتی: هاوکاری ئێران و رووسیا لە بوارە جۆراوجۆرەکاندا تۆکمە بۆتەوە و پەرەی سەندووە.
وتیشی: ئەم رێککەوتنە تەنیا بە هاوکاری ئێران و رووسیا سنووردار ناکرێتەوە و ئەو و اتانەی کە لە سەر ڕێگای کۆریدۆری رێگای ئاسنی باکوور_ باشووردان ، کەڵکی لێوەردەگرن.
رەئیسی رایگەیاند کە ئەم ڕێگایە لە ئاسیای رۆژهەڵاتی و باشووری تا قەفقاز و باکووری ئەورووپا پێکەوە دەلکێنێت.
ڕاشیگەیاند کە رووسیا و هەموو ئەو وڵاتانەی کە لەو رێگایەدان باش دەزانن کە ڕێگای ئێران، هەرزانترین و نزیکترین ڕێگایە بۆ چالاکی بازرگانی ، ئابووری و تڕانزیتی لە ناوچەکە.
بۆچوونی ئێوە