بە پێی راپۆرتی ئاژانسی هەواڵی مێهر، سه‌رۆكی هه‌رێمی كوردستان، نێچیرڤان بارزانى ئیدانه‌ی ته‌قینه‌وه‌كه‌ی ئەستانبوڵی كرد.
نێچیرڤان بارزانى په‌یامێكی به زمانی ئینگلیزی له رێگه‌ی هه‌ژماری خۆی له تۆڕی كۆمه‌ڵایه‌تی تویته‌ر له‌وباره‌یه‌وه بڵاوكردووه‌ته‌وه.
سه‌رۆكی هەرێمی كوردستان نووسیویه‌تى:
"ئیدانه‌ى هێرشە تیرۆریستییەکەی ئەمڕۆی ئیستانبوڵ ده‌كه‌م. بیر و نزاکانم لەلای خانەوادە و خۆشەویستانی قوربانییەکانە. هیوای زوو چاکبوونەوەش بۆ بریندارەکان دەخوازم".
هەروەها سه‌رۆكی حكوومه‌تی هه‌رێمی كوردستان، مه‌سرور بارزانی به توندی ئیدانه‌ی ته‌قینه‌وه‌كه‌ی ئێواره‌ی ئه‌مڕۆی ئیستانبوڵی كرد.
مه‌سرور بارزانی په‌یامێكی به زمانی ئینگلیزی له رێگه‌ی هه‌ژماری خۆی له تۆڕی كۆمه‌ڵایه‌تی تویته‌ر له‌وباره‌یه‌وه بڵاوكردووه‌ته‌وه.
سه‌رۆكی حكوومه‌تی كوردستان رایگه‌یاندووه:
"بە توندی ئیدانەی ئەو هێرشە ترسنۆکانەیه‌ی ئەمڕۆی ئیستانبوڵ دەکەم".
مه‌سرور بارزانی ئاماژه‌ی به‌وه‌ش كردووه كه بیری له‌گه‌ڵ حكوومه‌ت و گه‌لی توركیا و قوربانییه‌كان و كه‌سوكاریانه.
Your Comment