قوباد تاڵەبانی و وەزیری دارایی هەرێم باج لە تەنکەری بەتاڵ وەردەگرن بۆ حزب

بە پێی ڕاپۆرتی ئاژانسی هەواڵی مێهر، غالب محەمەد، ئەندامی ئەنجومەنی نوێنەرانی عێراق لە پەیجی خۆی بە ناونیشانی، قوباد تاڵەبانی و وەزیری دارایی هەرێم سەرانە لە تەنكەری بەتاڵیش وەردەگرن، نوسیویەتی: ئەو تەنكەرانەی بەنزین و گاز دەگوازنەوە بۆ ناو هەرێمی كوردستان، كە بە بەتاڵی دەچنە نێو خاكی ئێران لە مەرزەكان دەبێت باج بدەن بە كۆمپانیاكانی حزب، كە بەناوی جیاوازو لە ڕێگەی جیاوازەوە وەردەگیرێت .

ئەو پەلەمانتارە دەشڵیت: باشتر وایە كابینەی نۆ ناوەکەی بگۆڕین بۆ كابینەی كۆمپانیاكانی حزب، چونکە جگە لەکۆکردنەوەی پارە بۆ كۆمپانیاكانی حزب، باج و گومركیشی زیاد کردووە، لەپێناو زیادکردنی داهاتی حزب.