بە پێی هەواڵی مێهر، محەمەدجەواد زەریف وەزیری دەرەوەی ئێران لە پەیامێکی ویدیۆیی لە ئینستاگرامدا وێڕای بانگهێشت کردنی خەڵک بۆ بەشداری لە هەڵبژاردنەکان، وتی: هەینی ڕۆژێکە کە لە ڕێگای دەنگ دانەوە دەروەچەکانی ڕووناکی و ئۆمێد بە ڕووی داهاتووی خۆمان و منداڵانمان دەکرێتەوە.
ئەو وتیشی: کەمایەسییەکان و هەڵەکان زۆر بوون و من بەش بە حاڵی خۆم شەرمەزاری ئەو دژواری و ناکامییانەم کە خەڵک تووشی هاتوون. بەڵام دەنگ نەدان ڕێگا چارە نییە و کێشەکان زۆرتر دەکاتەوە.
ناوبراو ڕاشیگەیاند: میلەتی گەشەخواز میلەتێکە کە هیچ دەرفەتێک تەنانەت گەر بچووکیش بێت بۆ گەشە و ئاوەدانی وڵاتەکەیان لە دەست نەدەن.
زەریف وتیشی: بەشداری خەڵک لە هەڵبژاردنەکان نەک هەر گەمارۆکان پووچەڵ دەکاتەوە، بەڵکوو بنەمای شەڕی ئابووری دژی خەڵک تێک دەشکێنێت و گەمارۆکانی داهاتووش پووچەڵ دەکاتەوە.
وەزیری دەرەوەی وڵاتەکەمان لە کۆتاییشدا وتی: هیوادارم لە هەڵبژاردنەکانی 1400 خەڵک دەرفەتێکی نوێ بۆ ئێرانێکی ئاوەدان، ئازاد و پێشکەوتوو بڕەخسێنن و دەست لە ناو دەستی یەکتر 28ی جۆزەردان بکەنە میهرەجانی نەتەوەیی ئۆمێد.
Your Comment