بە پێی هەواڵی مێهر، یووسف باشی وتی: بە مەبەستی بەرگری لە زۆرتر بوونەوەی ڤایرۆسی کۆرۆنا و لە بەرچاو گرتنی تەندروستی خەڵکی هەورامان، ئەمساڵ ڕێوڕەسمی زەماوەندی پیرشالیار بەڕێوە ناچێت.
ئەو وتیشی: ئەم ئاهەنگە هەموو ساڵێک لە 15 بەفرانبار بەڕێوە دەچوو بەڵام ئەمساڵ لە دانیشتنی بنکەی بەڕێوەبەرایەتی کۆرۆنا پەسند کرا کە بەڕێوە نەچێت. خەڵکی هەورامانیش نایانەوێ لەم دۆخەدا ئەم ڕێوڕەسمە بەڕێوە بچێت و گەشتیاران لەوێ کۆ ببنەوە هەر بۆیە لە کەشی مەجازیدا ئەم هەواڵەیان ڕاگەیاندووە.
باشی ڕایگەیاند: بە بەخشداری هەورامانیش ڕامانگەیاندووە کە لەم بارەوە خەڵک ئاگادار بکاتەوە بۆ ئەوەی کێشەیەک ساز نەبێت و گەر گەشتیاران کۆ ببنەوە، چاودێران لەوێ دەبن و ئیزنی کۆبوونەوە نادەن.
Your Comment