بە ڕاپۆرتی ئاژانسی هەواڵی مێهر، سەعید خەتیب زادە وتەبێژی وەزارەتی دەرەوەی ئێران ڕایگەیاند: ئەمڕۆ هەینی ٢١ ی سەرماوەز باڵوێزی تورکیا لە تاران لەلایەن وەزارەتی دەرەوەوە بانگهێشت کراوە و وێڕای ڕاگەیاندنی ناڕەزایەتی توند بە باڵوێزی ئەو وڵاتە جەخت کرا کە ئێران داوای شرۆڤەی بەپەلەی دەوڵەتی تورکیا لەو بارەوە کردووە.
خەتیب زادە زیادی کرد: لەو ئەو بانگهێشت کردنەدا بە باڵوێزی تورکیا ڕاگەیێندرا کە سەردەمی پاگەندەی ئیمپراتووری و دەستێوەردان دەمێکە کە کۆتایی پێهاتووە.
ناوبراو لە درێژەی دا: بە باڵوێزی تورکیا ڕامانگەیاندووە کە ئێران سەبارەت بە یەکپارچەیی خاکی خۆی ئیزنی دەستێوەردان ناداتە هیچ کەسێک و لەسەر ئاسایشی نەتەوەیی کەمتەرخەمی ناکات.
Your Comment