بە ڕاپۆرتی ئاژانسی هەواڵی مێهر، حەسەن ڕۆحانی سەرۆک کۆماری ئێران سەرلەبەیانی ئەمڕۆ چوارشەممە لە کۆبوونەوەی کابینەی دەوڵەت وتی: ئەمڕۆکە ڕێک وەکوو سەردەمی بەرەڤانی پیرۆز و هێرشی سەددام بۆ سەر ئێران، ئەمریکا تووشی هەڵە حەسێب هاتووە. دوو ساڵ و نیو پێش ئەمریکا شەڕی ئابووری دژی ئێمە دەست پێکرد، ئەویش لەسەر بنەمای وەهم و حەسێبی هەڵە. ئامانجیان ئەوە بوو کە هەموو ڕێگا ئابوورییەکان لەسەر ئیران دابخەن.
ناوبراو لە درێژەدا وتی: ئێمە لە ساڵی ٥٩ ەوە گەمارۆی ئابووریمان لەسەرە بەڵام شەڕی ئابووری لە ساڵی ٩٧ ەوە دژی ئێمە دەستی پێکرد. ئەمڕۆکە ئێمە گەمارۆ نەدراوین ئێمە لە شەڕێکی ئابووریداین و ئەمریکا بە هەموو هێز و توانیەوە دژی ئێران شەڕ دەکات.
حەسەن ڕۆحانی درێژەی دا: ئەمەش وەهم و حەسێبی هەڵەیە. ئاامنجی سەددام ڕووخانی دەسەڵات، خەسار لە وڵات و لانیکەم دڕاندنی ڕێککەوتنێک بوو، ئەمریکییەکانیش هەر ئەو کارەیان کرد و دەیانەویست سەرەتا دەسەڵات بڕووخێنن و ئەگەر نەکرا ڕێککەوتنێکی نوێ واژۆ بکەن بەڵام نەگەیشتنە هیچ یەکە لە ئامانجەکانیان.
بۆچوونی ئێوە