کۆڵبەری لە ئێران دەکرێتە کارێکی فەرمی

بەرپرسی گشتی نووسینگەی پێشگیری لە قاچاخی کاڵا وتی: بەزوویی هاوردە و بردەی سنووری لەوانە کۆڵبەر بە شێوەیەک کە کاروباری سنوورنشینەکان بە شێوەی کۆنترۆڵ کراو درێژەی هەبێت، فەرمی دەکرێتەوە.

بە ڕاپۆرتی ئاژانسی هەواڵی مێهر، ئەمیر موحەمەد پەرهام فەر بە وتنی ئەوەی کە قاچاخی کاڵا کەمی کردووە، وتی: لە مانگەکانی دوایی بە هۆی دۆخی دراو، کۆنترۆڵەکان بەباشی ئەنجام دران و بڵاو بوونەوەی کۆرۆنا لە هاوردەی کاڵای قاچاخ کێشەی دروست کردووە و بەرهەمهێنەرانی ناوخۆیی ئامادەیی دابین کردنی بازاڕیان هەیە.

ناوبراو سەبارەت بە ئاسانکار بۆ هاوردە و بردەی سنووری، وتی: ئامانجی دەوڵەت، ڕێکخستنی هاوردە و بردنەکانە. سەبارەت بە کۆڵبەریش دەوڵەت بڕیاری داوە کە فەرمیی بکاتەوە تا کاروباری سنوورنشینان بە شێوەی کنترۆڵ کراو درێژەیان هەبێت.

بەرپرسی گشطی نووسینگەی پێشگیری لە قاچاخی کاڵا و دراو وتی: سەبارەت بە کاڵا هاوردەییەکانیش دانانی کۆدی کاڵا زەرووری دەبێت. لە ئەو بارەوە لە نێوان بانکی ناوەندی، ڕێکخراوی بازرگانی و گومڕوک هەماهەنگی دەکرێت. پاش بەڕێوە چوونی ئەوە، کەسەکان بە شێوەی سنووردار ئیزنی هاوردە کردنی کاڵایان دەبێت دەتوانن کۆدی کاڵا وەربگرن.

News Code 33069

نیشانەکان

بۆچوونی ئێوە

You are replying to: .
  • 3 + 11 =